अछामको रानीवन गाविसमा एक अनौठो बालकको जन्म भएको छ । गएराति रानीवन उपस्वास्थ्य चौकीमा अनौठो रुपमा जन्म लिएका बालकको आन्द्रा, मुटु र फोक्सो शरीरको बाहिरी भागमा रहेको छ । रानीवन गाविसका लालुराम जैसी र आमा परुदेवी जैसीको सन्तानका रुपमा ती बालकको जन्म भएको स्वास्थ्य चौकी रानीवनका अनमी रीता नेपालीले बताइन् । बालकको तीनवटा ओँठ, दुई हातमा १२ औँला रहेको हात बाङ्गो अवस्थामा रहेको दुईवटा जिब्रो रहेको र नाक र मुख एउटै ठाउँमा रहेको अण्डकोष नभएको स्वास्थ्य चौकीका अनमी नेपालीले बताइन् । नियमित गर्भजाँच गराउँदै सबै खोप लगाउँदै गरेकी ती बालककी आमाले सुविधा नभएका कारण भिडियो एक्सरे नगरिएको बताएकी छन् । अनौठो जन्म लिएका बालक र सुत्केरी आमाको स्वास्थ्य अवस्था सामान्य रहेको अनमी नेपालीले जानकारी दिइन् । अहिले बालकलाई हेर्नेको घुइँचो लागेको छ ।
