राजधानीको भृकुटीमण्डपमा माघ तेस्रो साता सूचा प्रविधि मेला आयोजना हुने भएको छ । कम्प्युटर एसोसिएसन अफ नेपाल महासंघ (क्यान महासंघ)ले आयोजना गर्ने उक्त मेला माघ १४ गतेदेखि १९ गतेसम्म पाँच दिन चल्नेछ ।

विश्वमा सूचना तथा संचार प्रविधि क्षेत्रमा भएका विकास तथा नयाँ प्रविधिको बारेमा जानकारी प्रदान गर्ने उद्देश्यसहित क्यानले विगत २१ वर्षदेखि यस्तो मेला आयोजना गर्दै आएको छ ।

‘सुविसु क्यान इन्फोटेक २०१५ ईन एशोसियसन विथ डेल इन्टेल बाई नियोटेरीक नेपाल’ नामक यस मेलामा मुख्य प्रदर्शनी हलभित्र ४९ वटा र हल बाहिर ३ वटा ब्रान्डिङ प्रदर्शनी कक्षहरु रहने बताइएको छ । त्यस्तै, ट्रसमा १४४, ओपन स्पेसहरु १४ र फुुड स्टलहरु ९ गरी जम्मा २१९ स्टलहरु रहनेछन् ।

प्रदर्शनीमा हार्डवेयर सेल्स तथा मेन्टीनेन्स्, पावर सोलुसन्स्, मोवाईल एसेसोरिज, डिलर र डिस्ट्रिव्युटर्स, ईन्टरनेट सेवा प्रदायक, टेलिकम्युनिकेशनस्, आई.सी.टी कलेज तथा ट्रेनिङ इन्स्टिच्युटस्, सफ्टवेयर सोलुसनस्, पेमेन्ट सोलुसन्स र अन्य स्टलहरु रहने आयोजकले बुधबार पत्रकार सम्मेलन गरी जानकारी दिएको छ ।

आयोजकका अनुसार हालसम्म मुख्य प्रदर्शनी हलभित्र शत् प्रतिशत स्टल बुकिङ्ग भई सकेका छन् भने ट्रसमा ९० प्रतिशत स्टलहरु बुकिङ्ग भई सकेका छन् ।

यस पटकको मेलामा साढे ४ लाख अवलोकनकर्ता भित्राउने लक्ष्य राखिएको छ । अिघल्लो मेलामा ४ लाख ३१ हजार ३५० अवलोकनकर्ता मेलामा आएका थिए ।

मेलामा साधारणहरुलाई प्रवेश शुल्क १५० रुपैयाँ र विद्यार्थीहरुलाई ७५ रुपैयाँ तोकिएको छ । माघ १८ गते आइतबारको दिनलाई विजनेश डे को रुपमा घोषणा गरिएको छ । उक्त दिनको प्रवेश शुल्क सम्पूर्ण अवलोकन कर्ताहरुको लागि १५० रुपैयाँ तोकेको आयोजकले जनाएको छ ।

सरकारी विद्यालयहरुबाट अगि्रम रुपमा लिखित अनुरोधसहितको नामावलीका आधारमा सम्बन्धित विद्यालयका विद्यार्थीहरुलाई निःशुल्क प्रवेशको व्यवस्था गरिएको छ । मेलामा अनलाइन टिकट खरीदको अग्रीम रुपमा व्यवस्था मिलाएको बताउँदै आयोजकले अनलाइन टिकट खरीदमा २० प्रतिशत छुट समेत प्रदान गर्ने जनाएको छ ।

शीर्षक हेर्दैमा कुनै साइन्स फिक्सन फिल्मको कथा जस्तो लाग्नसक्छ । तर यो कुनै काल्पनिक कथा नभई यथार्थ बन्नेवाला छ । वैज्ञानिकहरु मानिसको आयुलाई १ सय २० वर्षसम्म पूराउने औषधिको चक्की बनाउने कार्यको निकै नजिक पुगेका छन् । लामो समयसम्म स्वस्थ भएर बाँच्ने अर्थात् दीर्घजिवी हुने चाहना सबैको हुन्छ । आम मानिसको यहीँ चाहनलाई साकार पार्ने महत्वपूर्ण अनुसन्धानमा वैज्ञानिकहरु सफलताको नजिक पुगेका हुन् । रुसी वैज्ञानिकहरुको प्रयास पूणरुपमा सफल भएमा आम मानिसको आयु १ सय २० वर्षसम्म हुनेछ । र, अब १ सय २० वर्षे आयु लिएर बाँच्न सकिने दिन टाढा नभएको दाबी वैज्ञानिकहरुले गरेका छन् । रुसको मस्को स्टेट युनिभर्सिटीका वैज्ञानिकहरुको एक टोलीले नयाँ प्रकारको एन्टी अक्सिडेन्ट तत्वको परीक्षण गरिरहेको छ जसको कारण उमेर छिप्पिने गतिलाई सुस्त पार्न सकिन्छ ।

यो एन्टीअक्सिडेन्ट युक्त क्याप्सुलको परीक्षण मुसा, माछा तथा कुकुरमा गरिएको छ । वैज्ञानिक टोलीका प्रमुख डाक्टर म्याक्सिम स्कुलाचेभका अनुसार अनुसन्धानमा रहेको उक्त एन्टी अक्सिडेन्टले सरीरमा उर्जा प्रदान गर्ने कोषीय भाग माइटोकोन्डि्रयाको कार्यप्रक्रियालाई नियन्त्रित गर्दछ । माइटोकोन्डि्रयाको गडबडीलाई नै मानिसमा बुढ्यौली, हृदयाघात तथा विभिन्न खाले रोगब्याधीको कारक मानिन्छ । शोधकर्ता स्कुलाचेभका अनुसार बुढ्यौली प्रतिरोधी औषधिको निर्माण प्राविधिक रुपमा सम्भव छ । मानिसलाई ८ सय वर्षसम्म बचाउन सकिने कुरामा विश्वास नभएपनि १ सय २० वर्षसम्म भने बचाउन सकिने उनको दाबी छ । सुरुवातको परीक्षण आयु लम्ब्याउने भन्दा पनि बुढ्यौलीको दरलाई घटाउनेमा केन्दि्रत रहेको र यसमा सफलता मिलेमा माइटोकोन्डि्रयाको कार्यलाई प्रभावित गर्ने उपायको खोजी गरी आयुलाई १ सय २० वर्षमा पूराउन सकिने दाबी उनको छ ।

 जापानका वैज्ञानिकहरुले मानव मस्तिष्कको अवचेतन अवस्था निद्रामा आएको सपनाको भिडियो रेकर्ड गर्नमा जुटिरहेका छन् । वास्वतमा मानिसको सपनामा घुसपैठ गरी निद्राको बेला मस्तिष्कको क्रियाकलापलाई युएसबी, फ्लास ड्राइभ वा भिडियो डिस्कमा रेकर्ड गर्ने तयारीमा वैज्ञानिकहरु दिलोज्यान दिएर जुटिरहेको बताइएको छ । यो प्रविधिबाट व्यक्तिलाई मज्जाले सुत्न दिइन्छ र ऊ मस्त सुतेको बेलामा उसलाई कुनै बाधा नपुग्नेगरी उसको मस्तिष्कका क्रियाकलाप तथा उसले देखिरहेको सपना रेकर्ड गरिनेछ ।

वैज्ञानिकका अनुसार सुतेको मानिसको मस्तिष्कको अध्ययन गरी उसले सपना देखिरहेको कुरा छुट्टाउन सफल भइसकिएको छ र अब सपनालाई रेकर्ड गर्ने प्रयास भैरहेको छ । ता की त्यसरी रेकर्ड गरिएका सपनालाई पछि कम्प्युटर वा टेलिभिजनको पर्दामा मज्जाले हेर्न सकियोस् ।

जापानी वैज्ञानिकहरुले निद्राको भिडियो रेकर्ड गर्ने यो अध्ययनका लागि तिनजना पुरुषलाई निम्त्याए । जब ती तिनजना व्यक्तिहरु आरामले सुते तब उनीहरुको अवचेतन मनलाई एक विशेष उपकरणसँग जोडियो । उक्त उपकरणले मस्तिष्कको गतिविधिमा निगरानी राख्छ । त्यसक्रममा जब ती पुरुषहरु गहिरो निद्रामा पुगे तब उनीहरुको मस्तिष्कको गतिविधि निकै तिब्र भएको पाइयो ।
केही समयपछि ती तिनजनालाई उठाएर के सपना देख्यौ ? भनेर सोधियो । उनीहरुको भनाई अनुसार देखेका सपनाका कहानीलाई समेत रेकर्ड गरियो र त्यो सँगै अवचेतन मनका गतिविधिलाई समेत सँगै मिलाएर देखाइयो । वैज्ञानिकहरुका अनुसार अवचेतन मनका गतिविधि तथा सपनाकेा कहानीलाई समायोजन गरी सुहाउँदा दृश्य सहितको सजिव फिल्म तयार पार्ने कम्प्युटर प्रोग्रामको विकाश गरेसँगै मानिसको सपनाको भिडियो रेकर्डिङ मज्जाले टेलिभिजनको पर्दामा हेर्न सकिने वैज्ञानिकहरुको दाबी छ ।

यो समस्याबाट विश्वका दशौं लाख महिला पीडित छन् । तर लाजका कारण उपचार नगरी चुपचाप सहिरहेका छन् । स्त्रीरोग विशेषज्ञहरुका अनुसार महिलामा हुने योनि संकुचनका बारेमा निकै कममात्र सार्वजनिक रुपमा छलफलमा आउँने गर्छ । संकुचनका कारण महिलाहरु सम्भोग र योनि परीक्षणलगायतका अवस्थामा पीडा अनुभव गर्छन् । ‘यो समस्याबाट विश्वका लाखौं महिला प्रभावित भएको अनुमान गरिएको छ ।’ स्त्रीरोग विशेषज्ञ डा. गीता बंैकट भन्छिन्, ‘तर, लाजकै कारण यसलाइ दबाएर बस्नुहुन्न ।’ उनका अनुसार नितान्त व्यक्तिगत समस्या मानिने यसले महिलालाई असफल भएको महसुस गराउँने गर्छ । ‘तर, समयमै सही उपचार पाउँने हो भने यो निको हुन्छ ।’ डा. बैंकट भन्छिन् । योनिको तन्तु र मांसपेशीमा अचानक तनाव उत्पन्न हुँदा संकुचन उत्पन्न हुन्छ । डा. बैंकटका अनुसार संकुचनका कारण सेक्समा असहज र पीडादायी हुन्छ । कहिलकाही लिंग प्रवेश नै असम्भवजस्तै हुन्छ । यसलाई पूर्णत निको पार्न नसकिएपनि उपचारमार्फत् संकुचनको अवस्थालाई क्रमिक रुपमा सुधार गर्न सकिन्छ । बोटोक्स इन्जेक्सनमार्फत् योनिको मांसपेशीको क्षेत्रलाई लचिलो बनाउन सकिन्छ ।

शीघ्रपतन शारीरिक रोग नभई मानसिक समस्या हो । स्खलित हुन १०–१५ मिनेट लाग्छ भन्ने गलत धारणा धेरैजसो पुरुषमा हुन्छ । छिटो शीघ्रपतन भएमा रोग लागेको भनेर चिन्तित हुन्छन् । शीघ्रपतन हुने व्यक्तिले स्खलन हुने समयपुर्व केहीवेर घर्षण रोक्नु पर्छ । उत्तेजना कम भैसकेपछि फेरी घर्षण शुरु गर्दा घर्षणको अबधि बढाउन सकिन्छ । यसवाट शीघ्रपतन रोक्न सकिन्छ । शीघ्रपतन पुरुषमा देखिने सबैभन्दा ठुलो यौन समस्या हो । शीघ्रपतन भनेको समयपुर्व नै स्खलित हुनु हो । विज्ञहरु यसलाई पुरुषको कामोत्तेजनाको इच्छा र सन्तुष्टिको दुरी भन्छन् । सम्भोगको दुई देखि तीन मिनेट भित्र विर्य स्खलित हुनुलाई शीघ्रपतन भन्न सकिँदैन । लिङ्ग उत्तेजना हुनासाथ वा साधारण घर्षण हुँदाहुँदै स्खलित भएर जानुलाई शीघ्रपतन भनिन्छ । यस्तो समस्या भएका व्यक्ति स्त्रिको नग्न शरीर देख्ने वित्तिकै वा स्त्रिलाई स्पर्श गर्ने वित्तिकै स्खलित हुन्छन् । खासगरी आत्मविश्वास नभएका व्यक्तिलाई शीघ्रपतन हुन्छ । शीघ्रपतन हुने पुरुषले विभिन्न उपायहरु अपनाएको पाइन्छ । कसैले लिङ्गमा उत्तेजना नियन्त्रण गर्नेखालका मलम लगाउने, औषधि सेवन गर्ने, रक्सि खाएर सम्भोग गर्ने गर्दछन् । कसैले सम्भोपूर्व हस्तमैथुन गर्ने गर्दछन् । तर यि सबै उपाय अपनाउनु एउटा गल्तिलाई सुधार्न अर्को गल्ति गर्नु मात्र हो । यस्ता विधिले शीघ्रपतन नियन्त्रण गर्न सकिँदैन । शीघ्रपतन हुने पुरुषले धैर्य र संयम गरी पहिला स्त्रिलाई नै उत्तेजित पार्नुपर्छ । यस्ता पुरुषले स्त्रिलाई उत्तेजित पार्न स्त्रिका कामोत्तेजनक अङ्गहरुको सहयोग लिनु पर्छ । स्त्रि उत्तेजित भैसकेपछि मात्र सम्भोग थाल्नुपर्छ । यसरी पनि शीघ्रपतन नरोकिएमा यौन रोग विशेषज्ञको सल्लाह लिनुपर्छ । यस्तो समस्यामा आफुखुसी औषधि सेवन गर्नु समाधान होइन । यी कारणले हुन्छ शीघ्रपतन छिटोछिटो सम्भोग गर्न खोज्नु तिव्र उत्तेजना धेरै दिनसम्म सम्भोग नगरेको अवस्था तरीकानै थाहा नपाई सम्भोग गरेमा असुरक्षित स्थानमा सम्भोग गरेमा

सन्तान नहुने कारण पुरुषमा पनि हुनसक्छ र स्त्रीमा पनि । कहिलेकाहीँ, दुवैमा खराबी नहुँदा नहुँदै पनि गर्भ रहन कैयौं वर्ष लाग्न सक्छ । किनभने गर्भ रहनु भनेको एउटा आकस्मिक घटना हो । स्वस्थ हुँदाहुँदै पनि पुरुषको शुक्रकीट र स्त्रीको अण्डा भेटिने अवसर नआएको हुनसक्छ । स्त्री रागरस वा पुरुष रागरसको कमीका कारण त्यसो भएको हुनसक्छ । हाम्रो समाजमा सन्तान नहुनेहरुलाई नराम्रो दृष्टिले हेर्ने र हेला गर्ने चलन छ । कोही कोही त्यस्ताको हातको पानी चल्दैन वा पितृहरु विमुख हुन्छन् भनी कुरा गर्दछन् । यस्तो गर्नु राम्रो होइन । छोराछोरी नभए पनि मानिसले सुखमय जीवन बिताउन सक्दछन् । अरुको सन्तानलाई धर्मपुत्र, धर्मपुत्री लिएर वा अनाथालयलाई सहयोग गरेर आफ्नो जीवनलाई सार्थक बनाउने कैयन सन्तानहीन व्यक्तिहरु हाम्रै समाजमा पनि धेरै छन् ।

कारणहरु

–    स्वस्थ शुक्रकीट उत्पादन नहुनु ।
–    शुक्रकीट उत्पादन भए पनि ज्यादै कम हुनु । आधुनिक चिकित्सा, आयुर्वेध, प्राकृतिक चिकित्सा वा होमियोप्याथिकबाट यस्ता कतिपय समस्याको समाधान हुनसक्छ ।
–    कुनै कुनै पुरुषको शुक्रकीट नै बन्दैन, यस्ताको उपचार हुदैन ।
–    कुनै कुनै पुरुषका अण्डा नै हुँदैनन्, यस्ताको उपचार हुँदैन ।
–    गोनोरिया जस्तो यौन रोग लागेपछि राम्रो उपचार भएन भने पनि सन्तान उत्पादन गर्ने क्षमता गुम्छ । रोग लाग्ने बित्तिकै उपचार गरेमा समस्या नआउन सक्छ ।
–    शुक्रनली वा अन्य भागमा केही अवरोध भएको हुनसक्छ । यस्तो समस्यालाई अप्रेशनबाट ठीक गर्न सकिन्छ ।
–    पुुरुष रगरासको कमी हुनसक्छ । यस्तालाई कृत्रिम रागरसद्धारा उपचार गरिन्छ ।