2015

पुष १६। ‘फाइबर टु द होम’ इन्टरनेट सेवा प्रदायक कम्पनी भायानेट कम्युनिकेसनले उच्च गतिको ‘फाइबर होम रस’ सेवा ल्याएको छ ।
दुई एमबीपीएस स्पीडको यो इन्टरनेट सेवामा स्पीड बुस्ट सुबिधा रहेको छ । जसअनुसार प्रयोगकर्ताले आफ्नो आवश्यकता अनुरुप स्पीड १० एमबीपीएससम्म बढाउन सक्नेछन् ।
फाइबर होम रसको साथमा प्रतिमहिना १८ सय रुपैयाँमा ८० जीबी डाटा पाइने छ । साथै, बाषिर्क ग्राहक बने वापत ६ महिनासम्मको डाटा निःशुल्क पाइने छ ।
कम्पनीले नयाँ वर्षको अवसरमा हरेक होम प्याकेज ग्राहकका लागि एक महिनाको इन्टरनेट सेवा निःशुल्क गरेको जनाएको छ । यो योजना जनवरी २०१६ सम्म लागु हुनेछ ।
कम्पनीले अझै राम्रो सुविधा र दरमा नयाँ ‘सोहो’ प्याकेज पनि ल्याएको छ । कम्पनीले फाइबर अप्टिक्स सेवा काठमाडौं र ललितपुरका लगभग सबै क्षेत्रमा प्रदान गदै आएको छ ।

पुस १६ । साफ च्याम्पियनसिप फुटबलको सेमिफाइनल खेलहरु आज(बिहीबार) हुँदैछन् । भारतको केरलामा जारी प्रतियोगिताको पहिलो सेमिफाइनलमा साविक विजेता अफ्गानिस्तान र श्रीलंका भिड्नेछन् ।
समुह चरणमा शत प्रतिशत विजयी नतिजा निकाल्दै समुह विजेता बनेको अफ्गानिस्तान उपाधिको मुख्य दावेदार टोली हो ।
उता समुह चरणमा नेपालमाथि १–० को जीत निकाल्दै सेमिफाइलनमा पुगेको श्रीलंका भने तुलनात्मक रुपमा सबैभन्दा कमजोर टोली हो ।
अफ्गानिस्तानका लागि यो अन्तिम साफ च्याम्पियनसिप हो । आगामी वर्षहरुमा अफ्गानिस्तानले दक्षिण एशिया छोडी मध्य एशीयाली समुहबाट खेल्नेछ ।
आजै हुने दोस्रो सेमिफाइनलमा आयोजक भारत र माल्दिभ्स भिड्नेछन् । समुह चरणमा लगातार दुई खेल जित्दै समुह विजेता भनेको भारत र अर्को समुहको उपविजेता मालिदभ्सबीचको खेल निकै रोचक हुने धेरैको अनुमान छ ।

पुष १३। फर्जी बिलभर्पाईका भरमा सामान ढुवानी गरेको आरोपमा अख्तियार दुरुपयोग अनुसन्धान आयोगद्वारा सशस्त्र प्रहरी बलका थप तीनजना पूर्वआईजीसँग आइतबार बयान, भ्रष्टाचारमा संलग्न रहेको आरोपमा पूर्वसशस्त्र प्रहरी प्रमुख सनतकुमार बस्नेत, शैलेन्द्रकुमार श्रेष्ठ र वासुदेव ओलीसँग बयान, बयानपछि अख्तियारको थुनामा नबस्ने प्रयोजनका लागि तीनैजनासँग १० करोड रुपैयाँ धरौटी माग ।

छिमेकी देश चीनको एक टेलिभिजन च्यानलले पहिलोपटक एक रोबोटलाई आफ्नो टेलिभिजन कार्यक्रम प्रस्तोतामा नियुक्त गरेको छ । शांघाइ ड्रयागन टेलिभिजनले जियाओआइस नामक रोबोटलाई रिपोर्टको जागिर दिएको हो ।
महिला पत्रकारको भेषमा रहेको यो रोबोटले विहानी पखको लाइभ शो मा दैनिक रुपमा मौसमका बारेमा रिपोर्टिंग गरिरहेको छ । रोबोटले टेलिभिजनमा रिपोर्टरको जागिर खान थालेपछि चीनमा अब पत्रकारको जागिर धरापमा पर्न थालेको गाइँगुइँ सुनिन थालेको छ ।
जियाओआइस नामक रोबोटलाई माइक्रोसफ्ट कम्पनीले मौसमी जानकारी दिनका लागि विकाश गरेको हो । यो रोबोटले गत मंगलबार देखि चिनिया टेलिभिजनमा जागिर खान सुरु गरेको हो । सुरुवाती दिनमै यसले आफ्नो कार्यक्षमताका कारण दर्शकलाई प्रभावित गर्न सफल भएकेा छ । आफुले टेलिभिजनमा जागिर पाएकोमा रोबोट निकै खुसी समेत छ र उसले भनेको छ मौसमको रिपोर्टिंग गर्ने मेरो जागिरमा म निकै खुसी छु ।
लिखित कुरालाई बोलीमा ढाल्नका लागि यो रोबोटमा एउटा आर्टिफिसिएल इन्टेलिजेन्स डिभाइस राखिएको छ । यसको सहायताले यो रोबोट मानिस बोलेजस्तै गरी लेखेको कुरा पढ्न सक्छ र यसको आवाज पनि मानिसकै जस्तो हुन्छ ।
रोबोटलाई टेलिभिजन प्रस्तोतामा नियुक्त गरिएसँगै पत्रकारको जागिर धरापमा परेको चिन्ता छाइरहँदा शांघाइ मिडिया ग्रुपका निर्देशकले भने चिन्ता गर्नु नपर्ने भन्दै ढाडस दिएका छन् । टेलिभिजन प्रस्तोतामा पत्रकारलाई हटाएर पूरै रोबोटलाई ल्याउने सोँच आफुहरुको नरहेको उनले प्रष्ट पारे ।
स्मरण रहोस् गत सेप्टेम्बर महिनामा चिनिया चर्चित कम्पनी टेन्सेन्टले एउटा यस्तो रोबोट बनाएको थियो जसले कुनैपनि कम्पनीको व्यवसायिक प्रतिवेदन केवल १ मिनेटमै तयार गर्न सक्छ ।

पुष १२।  भारतको केरलामा जारी एघारौं साफ च्याम्पियनसीप फुटबलमा आज नेपालले बलियो प्रतिद्धन्दी भारतको सामना गर्ने, यो खेलसँगै प्रतियोगिताको सेमिफाइनल समिकरण पुरा हुँदै,  समूह ए को अन्तिम खेलमा नेपाल र भारत खेलेसंगै सेमिफाइनल पुग्ने चारै टिमको टुङ्गो लाग्ने । माल्दिभ्स भारतमा जारी साफ च्याम्पियनसिप फुटबलको सेमिफाइनलमा पुग्ने पहिलो टिम बन्न सफल, समूह ‘बी’को खेलमा लगातार दुई खेल जितेसँगै माल्दिभ्स सेमिफाइनलमा पुग्न सफल, पहिलो खेलमा भुटानलाई ३–१ ले हराएको माल्दिभ्सले दोस्रो खेलमा शनिबार बंगलादेशलाई ३–१ ले हरायो । इङ्लिस प्रिमियर लिग फुटबल अन्तर्गत शनिबार राति भएका खेलहरुमा शिर्ष स्थानका क्लवहरु लेष्टर सिटी र आर्सनल पराजित, अंक तालिकाको पहिलो स्थानमा रहेको लेष्टर सिटी लिभरपुलद्वारा १–० ले हराउ“दा दोस्रो स्थानको आर्सनललाई साउथह्याम्पटनद्वारा ४–० ले पराजित, म्यान्चेस्टर युनाईटेड स्टोक सिटीद्वारा २–० ले पराजित ।

पुष १२।  सद्भावना पार्टीद्वारा अध्यक्ष राजेन्द्र महतोमाथि कुटपिट भएको घटनामा सरकारले माफी नमागेसम्म सरकारसँगको औपचारिक वार्तामा सहभागी नहुने निर्णय, बिराटनगरको रानी भन्सारमा शनिबार धर्ना दिने क्रममा भएको झडपमा घाइते भएका सद्भावना पार्टीका अध्यक्ष राजेन्द्र महतोको  बिराटनगरस्थित गोल्डेन अस्पचालको आईसीयू कक्षमा उपचार जारी रहेको छ  ।

पुष १२।   पाटे बाघको आलो छाला सहित दुई भारतिय इटहरीबाट पक्राउ, इलाका प्रहरी कार्यालय इटहरीद्वारा इटहरी १० स्थित डुमटोलबाट भारतको राजस्थान जोतपुरका १९ बर्षिय राजु बागडी र ३५ बर्षिय रामदेव बागडीलाई ने.रु ८० हजार नगद र छाला सहित पक्राउ, उनिहरुले भारतबाट अबैध बन्यजन्तुको छाला चोरीसिकारी गरि नेपालमा महंगो मुल्यमा बिक्री गर्ने गरेको सुचनाको आधारमा दुवैलाई पक्राउ गरेको इलाका प्रहरी कार्यालय इटहरीका डिएसपी ओम अधिकारीको जानकारी, दुवैलाई आइतबार जिल्ला वन कार्यालय सुनसरीमा छाला सहित बुझाइने । 


इन्टरनेट जाएन्ट गुगलले नया स्मार्ट मेसेजिंग एप बनाइरहेको छ । वालस्ट्रिट जर्नलका अनुसार आर्टिफिसियल इन्टेलिजेन्स नामक अत्याधुनिक पहिचान प्रविधिले युक्त उक्त स्मार्ट मेसेजिंग एपको सहायताले फेसबुकको मेसेन्जरका साथै ह्वाट्सएपलाई समेत पछार्ने लक्ष्य गुगलको छ ।
गुगलको उक्त मेसेजिंग एप मार्फत प्रयोगकर्ताहरुले एक अर्कालाई टेक्स्ट पठाउन सक्नेछन् र च्याटबोटको प्रयोग पनि गर्न सक्नेछन् । च्याटबोट भनेको यस्तो कम्प्युटर प्रोग्राम हो जसबाट कुनै प्रश्नको उत्तर खोज्नका लागि इन्टरनेट वा अन्य श्रोतको प्रयोग गर्न सकिन्छ ।
यो एपबाटै प्रयोगकर्ताहरुले सिधै गुगलमा आफुले सोधेको प्रश्न सोध्न सक्नेछन् र उत्तर प्राप्त गर्न सक्नेछन् । कुनै प्रश्नको उत्तर खोज्नका लागि च्याटिंग बन्द गरेर सर्च इन्जिनमा सर्च गर्नुपर्नेछैन ।
यो मेसेजिंग एपबाट गुगलले वास्तवमा एक पन्थ दुइ काज गर्न खोजेको छ । एकातर्फ उसले प्रयोगकर्ताको गुगल सर्च इन्जिनका प्रयोगकर्ताको संख्यालाई अझै बढाउन चाहन्छ भने अर्कोतर्फ मेसेजिंग एपमा आफ्नो प्रभुत्व कायम गर्न चाहन्छ ।
यद्यपि गुगलको यो नयाँ एप कहिले आउने भन्ने बारेमा भने केही खुलाइएको छैन र गुगलले यस बारेमा केहीपनि प्रतिक्रिया जनाएको छैन ।
गुगल प्लस, गुगल ह्यांगआउट तथा गुगल मेसेन्जरलाई प्रयोगकर्ताले खासै मन नपराएको अवस्थामा गुगलको नयाँ एपप्रतिको आकर्षण कस्तो रहने हो, त्यो भने भविष्यले नै देखाउला ।
गुगलका वरिष्ठ अधिकारी निक फक्स सहितको टिमले नयाँ स्मार्ट मेसेजिंग एपको निर्माणमा तिब्र रुपमा काम गरिरहेको बताइएको छ ।

जाडो भएसँगै धेरैजनालाई छाला फ्रुस्रो हुने समस्या हुन्छ । तापक्रममा आएको अकस्मात् गिरावटसँगै छाला तथा ओठ फुट्ने, सुख्खा हुने र चायाँ आउने समस्या हुन्छ । छाला विज्ञहरुका अुनसार चिसोबाट हुने एलेर्जीले बालबालिकामा छाला फुस्रो र फुट्ने गर्छ भने प्रौढहरुमा थाइराइडको असन्तुलनका कारण अनुहारको छालामा विभिन्न प्रकारका समस्या देखिन्छन् ।
त्यस्तै, किड्नी तथा कलेजोको समस्या भएका वृद्धवृद्धामा जाडो मौसमा छाला फुट्ने लगायतका समस्या देखिन्छन् । बालकदेखि वृद्धवृद्धासम्म पीडित हुने यस समस्याबाट मुक्ति पाउन विभिन्न उपायहरु छन्ः
घिउ वा तेलमा तारेका खानेकुरा नखाने
सामान्यतया चिसो भएको बेलामा शरीरलाई तातो बनाउन तेलमा तारेको  खानेकुरा खाने गर्छांै । तर, यसमा एन्टी–अक्सिडियन्टको मात्रा न्यून हुने भएकोले यसबाट छाला चिलाउनेलगायतका समस्या देखिन्छन् । तसर्थ, जाडोमा छालालाई स्वस्थ बनाउन स्वभाविक चिल्लोयुक्त खानेकुरा खानुपर्छ । मौसमी फलफुलहरु जस्तै सुन्तला, स्ट्रेबरी, स्याउ, बदाम, ओखर, एप्रिकेट खाँदा छालामा चमक आउँछ । मुम्बईस्थित छाला तथा चर्म रोग विज्ञ डा. अपर्ना सान्थाना भन्छिन्, ‘जाडोको समयमा त्यस्ता फलफुल खानुहोस् जसले छालालाई सुख्खापन हुनबाट बचाई चिल्लो बनाउँछ ।’ जैतुन वा नरिवलको तेलमा बनाएको खानेकुराले पनि शरिरको स्वभाविक चिल्लोलाई थप सहयोग गर्छ । जाडो याममा छाला सुख्खा भयो भने यसलाई निको हुन धेरै समय लाग्छ । तसर्थ मौसमी फलफूलबाट प्राप्त हुने एन्टि–अक्सिडेन्टले छालाका चायाँ लगायतका समस्याहरु निको पार्नुका साथै छाला कलिलो चम्किलो देखिन्छ । चिसोबाट बच्ने फलफूलहरु पनि पर्याप्त खानुहोस् ।
अनुहार र छालामा कपडा राख्दा बिचार पु¥याउनुहोस्
ऊनी र बढी तातो हुने लुगाहरुले पनि छाला चिलाउँछ र फुस्रो बनाउँछ । तसर्थ शरिरमा सबैभन्दा भित्र कटनको लुगा लगाएर मात्र उनीको सर्ट वा थर्मल भेस्ट लगाउनुहोस् । यसले तपाईँको छाला चिलाउने समस्या हट्छ र उनीको लुगाबाट हुने जुनसुकै एलर्जीबाट मुक्ती पाइन्छ ।
कडा साबुन र बढी गन्ध आउने मोश्चराईजेशन प्रयोग नगर्नुहोस्
तपाईँलाई मन पर्ने बढी गन्ध आउने मोश्चराइजरले तपाईँको छालालाई जाडो मौसममा अझै बढी सुख्खा बनाउन सक्छ । त्यसको सटा एलोभेरा (घिउकुमारी), ग्लिसिरिन, प्याराफिन इत्यािद मिसाएको नरम मोश्चराइजर प्रयोग गर्नुहोस् । तपाईँको छाला तेलीय हो भने जेल जस्तो लोसन लगाउनुहोस् । तर, यदि छाला अत्यधिक सुख्खा हो भने क्रिममा आधारित लोसन लगाउनुहोस् । छाला फुस्रो हुन सुरु भइसकेको छ भने चर्म तथा छाला विज्ञको सल्लाहमा औषधि प्रयोग गर्नुहोस् । जाडोमा मन तातो वा सम्भव भए चिसो पानी पर्याप्त खानुहोस् । करिब ५० प्रतिशत भन्दा बढी छालाको रोग पानी पिउँदा निको हुने भएकोले पर्याप्त पानी पिउन कन्जुस्याइँ नगर्नुहोस् ।
मन तातो पानीको सावर लिनुहोस्
जाडोको समयमा तातो पानीले मानिसको कोमल छालामा अशर हुन्छ भन्ने थाहा हुँदा हुदै पनि यसको अत्यधिक प्रयोग गर्छन् । तर, तपाईँ केही बेर तातो पानीमा नुहाउँदा दिउसभर शरिरको छालामा फुस्रोपन लगायतका समस्या आउँछ । बरु मनतातो पानी प्रयोग गर्नुहोस् । रगतको प्रवाहलाई पनि सुधार गर्ने भएकोले स्वास्थ्यका दृष्टिले पनि मनतातो पानी उपर्युक्त मानिन्छ । चिसो पानीले हातखुट्टा नधुनुहोस् किनकी चिसो पानीले तपार्इँ छालालाई दिउसभर सुख्खा बनाउँछ । छालालाई नरम बनाउनका लागि नुहाउनुअघि नरिवलको तेलले छालालाई मसाज गर्नुहोस् ।
फ्याटी एसिडको प्रयोग गर्नुहोस्
बारम्बारको मोश्चराइजको बाबजुद पनि गर्मीमा तपाईको छाला सुख्खा हुने गर्छ । मौसमी लोसनले केही हदसम्म यस समस्याबाट मुक्ती दिलाउने भए पनि चर्म तथा छाला रोग विज्ञको सल्लाह लिनुहोस् । विज्ञले तपाईलाई ओमेगा थ्री फ्याटी एसिड र भिटामिन ए खान सुझाब दिन्छन् । ओमेगा थ्री फ्याटी एसिडले मुटुको रोग, हाइपरटेन्सन, डायबिटिज, बाथलगायतका रोगको पनि उपचार गरिदिन्छ ।

फेसबुकका सिईओ मार्क जुकेरबर्गले आफ्नो छोरीको जन्मपश्चात फेसबुक प्रयोगकर्तालाई ‘फेसबुक’ विश्वकै शक्तिशाली सञ्चार माध्यम बनेको भन्दै प्रयोगकर्तालाई धन्यवाद दिएको आफ्नो पोष्ट शेयर गरेबापत भाग्यशाली हजार जनालाई लाखौँ डलर दिने विषय अहिले सामाजिक सञ्जाल फेसबुकमा भाइरल बनेको छ । आफ्नो उक्त पोष्ट शेयर गरेबापत हजार जना भाग्यशाली प्रयोगकर्तालाई ४.५ मिलियन डलर दिइने जुकेरबर्गले आफ्नो पोष्टमा समेत जानकारी गराएको छ ।  फेसबुकमा मार्कजुकेरबर्गको नाममा गरिएको पोष्ट यस्तो छ -
  Can't wait to see who the lucky recipients are...According to Good Morning America, Not a hoax! Mark Zuckerberg has announced that he is giving away $45 billon of Facebook stock. What you may not have heard is that he plans to give 10% of it away to people like YOU and ME! All you have to do is copy and paste this message into a post IMMEDIATELY. At midnight PST,Facebook will search through the day's post and award 1000 people with $4.5 million Each as a way of saying thank you for making Facebook such a powerful vehicle for connection. ‪#‎Markzucukerberg‬ 

अमेरिकामा बस्ने नेपालीले बनाएको सामाजिक संजाल सगुन डटकम sagoon.comले एक पछि अर्को फिचर सार्वजनिक गर्दै फेसबुक र ट्यूटरसँग प्रतिस्पर्धा गर्न तयारी थालेको दावी गरेको छ ।
पछिल्लो समयमा बढिरहेको सामाजिक सञ्जालको प्रयोगबारे व्यापक अनुसन्धान गरेरबनाइएको फरक र नयाँ फिचरसहितको ‘सोसल साइट’ले बर्षेनी नयाँ–नयाँ फिचरहरु सार्वजनिक गरिरहेको छ ।
सगुनको ‘१.० बेटा भर्सन’ गत बर्ष अमेरिकाबाट अभिनेत्री मनिषा कोइरालाले ‘लन्च’ गरेकी थिइन् । गत कात्तिक २२ मा नेपालमै आयोजित कार्यक्रमबीच प्रधानमन्त्री केपी शर्मा ओलीले यसको ‘२.० भर्सन’ ‘ग्लोबल लन्च’ गरे ।
अहिलेसम्म यसका प्रयोगकर्ता तीन लाखको हाराहारी पुगिसकेको नेपालका आइटी प्रमुख राजु कट्टेलले बताए । उनका अनुसार यसको प्रयोगकर्ता नेपालीका साथै भारत र विश्वका विभिन्न मुलुकका नागरिक छन् ।
‘सगून नेपालमामात्रै होइन, भारत, अरेबियन देश र दक्षिण अमेरिकामा पनि प्रचलित शब्द हो’ सगून, नेपालका मिडिया को–अर्डिनेटर अजय शिवाकोटीले भने, ‘त्यसैले सगून चयन गरिएको हो । यो नेपाली फ्लेबरको नाम भएपनि विश्वभर ब्रान्डिङ गर्न सकिन्छ भन्ने अनुसन्धानको क्रममा देखिएको छ ।’
विश्वभर चर्चामा रहेका अन्य सोसल साइटहरु भन्दा पृथक फिचर र विविध सुविधाहरुका कारण केही बर्षमै फेसबुक तथा ट्यूटरहरुसँग प्रतिस्पर्धा गर्न सकिने सगुन टिमको दावी छ । जे पायो त्यही पोस्ट गर्ने अहिलेका सामाजिक सञ्जालको प्रवृत्तिबाट टाढा रहन सगुनले चाहेको आइटी प्रमुख राजु कट्टेल बताउँछन् ।
त्यसैले यसमा ‘क्यारेक्टर लिमिटेसन’ छ । यसले २ सय २० अक्षरमात्रै लेख्न दिन्छ । ‘छोटो शब्दमा गहन अभिव्यक्ति वा महत्वपूर्ण सूचना आओस् भन्ने हाम्रो चाहना हो । हामी त्यस्तो प्रवृत्तिको विकासमा अभियान नै चलाउनेछौँ । अहिले म यहाँ चिया पिइरहेको छुजस्ता अभिव्यक्ति सेयर गर्नुको कुनै अर्थ हुँदैन भन्ने हाम्रो मान्यता छ । त्यसैले गुणस्तरीय अभिव्यक्तिमा हामीले जोड दिनेछौं । त्यसका लागि सेक्रेट्स गाइडलाइन पनि निर्माण गर्दैछौं,’ उनले भने ।
सामाजिक सञ्जालमा सेयर गरिने ‘न्यूज लिंक’को लागि छुट्टै ‘अप्सन’ निर्माण गर्न लागिएको मिडिया संयोजक शिवाकोटीले जानकारी दिए । ‘अहिले अनलाइन मिडियाले आफ्नो न्यूज सेयर गर्न सामाजिक सञ्जालको व्यापक प्रयोग गरिरहेका छन् । त्यसका लागि हामीले छुट्टै अप्सनमार्फत सहज बनाउने कार्य हुँदैछ,’ उनले भने । अन्य थुप्रै सुविधाहरु सगुले सार्वजनिक गरेको छ ।

कनेक्ट, शेयर एण्ड अर्न
सगुन sagoon.com को नारा हो ‘कनेक्ट, शेयर एण्ड अर्न’ । यसको अर्थ यसमा सामाजिकीकरणका गतिविधिमात्रै हुने छैनन आम्दानीका स्रोत पनि हुनेछन् । ‘अन्य सामाजिक सामाजिक सञ्जालले केवल आफ्ना भावना शेयर गर्ने अप्सनमात्रै दिन्छन् । तर सगुनले इ–कमर्सलाई पनि साथै लैजाँदै छ’ आइटी प्रमुख कट्टेल भन्छन ‘यसमा धेरै केही गर्न लागेको होइन, सामाजिक सञ्जालबाट प्राप्त हुने आम्दानीको केही प्रतिशत सदस्यलाई पनि बाँड्ने अवधारणा हो यो । तर पैसा नै बाँड्ने होइन, स्मार्ट कार्डमार्फत सुविधा प्रदान गर्ने योजनामा छौं । नेपालमा पनि कार्डको प्रयोग विस्तारै बढ्दैछ । विकसित देशमा त कार्ड नै विनिमयको माध्यम बनिसकेको छ । त्यसैले यसको अवधारणा विकसित मुलुकमा धेरै मन पराइएको छ ।’
मुड टक र सुरक्षित च्याटिङ
सगुनले च्याटिङ सिस्टमलाई ‘मूड टक’ नाम दिएको छ । मानवीय संवेदनामा जोड दिएर ‘मूड टक’ नाम दिइएको छ । मान्छेको मूड नबुझी कुरा गर्न खोज्नेलाई निरूत्साहित गर्न खोजिएको छ । यसमा मूड सेट गर्न मिल्छ । त्यसैअनुसार अरूले कुरा गर्दा जुनसुकै बेला जे बिषयमा पनि कुरा गरेर दिक्क पार्ने च्याटिङ प्रवृत्ति निरूत्साहित हुन्छ भन्ने विश्वास लिइएको छ । यसमा च्याट र म्यासेजमा गोपनियतालाई विशेष जोड दिइएको छ । व्यक्तिगत रूपमा पठाइएको म्यासेज सम्बन्धितले हेरिसकेपछि आफैं मेटिन्छ । यसमा निजी जीवनको अधिकारलाई उत्तिकै ध्यान दिइएको छ ।
माइ डे
सामाजिक सञ्जालको जुन लत विकास भइरहेको छ, त्यसलाई निरूत्साहित गर्ने योजना सगुनको रहेको छ । अनावश्यक रूपमा सञ्जालमा अल्झिरहने भन्दा पनि दैनिक काममा सहायक हुने ‘टुल्स’ यसमा विकास गरिएको । दैनिक गर्नुपर्ने काम सम्झाउने टुल्स यसमा प्रयोग गरिएको छ । यसअन्तर्गत गर्नुपर्ने कामको सूची, समय सूची र सम्झाउने ‘रिमाइन्डर’ सेट गर्न मिल्छ । अहिले त्यस्तो ‘नोटिफिकेसन’ इमेलमा जाने बनाइएको छ । पछि एसएमएस नै जाने प्रणालीसमेत विकास हुनेछ ।
सेक्रेट्स सेयरिङ
यसमार्फत व्यक्त गरिने विचार वा सूचनालाई ‘सेक्रेट्स’ नाम दिएको छ । ‘सेक्रेट्स’ दुई तरिकाले पोस्ट गर्न सकिन्छ, सबैले हेर्न मिल्ने गरी र निश्चित व्यक्ति, परिवार वा समूहले मात्रै हेर्न मिल्ने गरी । ‘परिवारका सदस्यलाई मात्रै कुनै जानकारी दिनुपरेमा वा आफ्नो कुनै समूहमा मात्रै सूचना दिनुपरेमा यो सुविधा बढी प्रभावकारी हुन्छ ।
त्यसको लागि साथी बनाउँदा नै त्यसको वर्गीकरण गर्ने सुविधा यसमा साथी बन्दा फ्यामिली, को–वर्कर्स वा फ्रेण्डस्मध्ये एउटा वर्गमा राख्ने सुविधा छ । त्यसैका आधारमा लक्षित सेक्रेट्स लेख्न सकिन्छ । फ्यामिलीलाई लक्षित गरिएको सेक्रेट्स फ्रेण्डस् वा को–वर्कर्सले हेर्न पाउँदैनन् । त्यसैगरी आफूले अभिव्यक्त गरेको विचारलाई यसले एकै ठाउँमा संकलन गरिदिन्छ । ती सबै ‘माइ सेक्रेट्स’ अन्तर्गत हेर्न सकिन्छ । अरूको विचारचाहिँ ‘ओपन सेक्रेट्स’मा देखिन्छ ।
त्यसैगरी यसमा आफूले व्यक्त गरेको विचारलाई सहजै वर्गीकरण गर्न पूवनिर्धारित ह्यासट्यागको सहज प्रयोग गर्न सकिन्छ । त्यस्ता ह्यास ट्यागको सूची ‘हट सेक्रेटस’ अन्तर्गत खाताको दायाँतर्फ देखिन्छ । त्यसको छनोट गरेर आफूले चाहेको बिषयमा लेखिएका ‘सेक्रेट्स’मात्रै हेर्न पाउने सुविधा पनि यसमा छ ।
डिस्लाइक अप्सन
सामाजिक सञ्जालमा पहिलोपटक कबनययल ले डिस्लाइक अप्सन दिएको छ । अभिव्यक्तिलाई शेयर गर्ने र लाइक गर्ने अप्सनलाई अन्यमा जस्तै निरन्तरता दिइएको छ ।
सन् २०१६ मा एप्स
प्रारम्भिक चरणमा सिमित एप्स भएपनि त्यसलाई छिट्टै विस्तार गर्ने अभियानमा कम्पनी रहेको छ  । मोबाइल एप्स सन् २०१६ को सुरुवातमै लन्च हुँदैछ । त्यसैगरी स्मार्टकार्डको सुविधा पनि छिट्टै सुरु गर्ने योजनामा कम्पनी रहेको छ । पाँच लाख यूजर पुगिसकेपछि यसमा सिलिकन भ्यालीलगायत अन्य क्षेत्रबाट लगानी भित्राउने योजना छ । त्यससँगै यसका पाइपलाइन प्रोजेक्ट अघि बढ्नेछन् कम्पनीले यस्ता एप्सको परीक्षण गरिरहेको छ, जसले मानिसको जीवनलाई निकै सहज र व्यवस्थित बनाउनेछ । कतिसम्म भने सगूनको एप्स चलाएपछि मोबाइल नै चार्ज गर्न नपर्नेसम्म बनाउने योजनामा काम भइरहेको छ । यस कार्यमा अनुसन्धान सफल पनि भइसकेको छ ।
नेपाली उत्पादन विश्वभर
सगुनsagoon.comको विशेषता भनेको यो नेपाली उत्पादन हो । अमेरिकाबाट सुरु भएको भए पनि यसका सुरुवातकर्ता नेपाली हुन् । शब्द पनि नेपाली प्रयोग गरिएको छ । तर यसको प्रयोग विश्वव्यापी हुनेछ । यसले नेपालीले पनि विश्वव्यापी उत्पादन गर्न सक्छन् भन्ने प्रमाणित गर्न पनि सहयोग पुर्याउने कम्पनीले विश्वास लिएका छ । यसको अहिले नै भारत र अमेरिकामा कार्यालय र ल्याब छ । त्यसलाई विश्वभर पुर्याउने योजनामा कम्पनी छ ।
२० बर्षअघि अध्ययनका लागि अमेरिका गएका संखुवासभाका गोविन्द गिरीले बाह्र बर्ष सिस्टम इन्जिनियरका रूपमा अमेरिकी रक्षा मन्त्रालय, पेन्टागनमा गरेर  ‘सगून सर्च इन्जिन’ बनाएका हुन । अनुसन्धानलाई आधार बनाएर अहिले चलिरहेका अन्य सामाजिक सञ्जालभन्दा फरक र नयाँ फिचरसहित ‘सोसल साइट’ सुरु गरेका हुन् । 

पुष ७।  न्यूजिल्याण्डका केन विलियम्सन विश्व नम्बर एक टेष्ट ब्याटम्यान बनेका छन् । आईसीसीले सोमबार जारी गरेको नयाँ टेष्ट र्‍याकिङमा विलियम्सन शीर्ष स्थानमा छन् ।
शतकीय पारी खेल्दै श्रीलंकाविरुद्धको हमिल्टन टेष्टमा जिताएपछि केनले विश्व वरियतामा जोए रुट रर एबी डिभिलिर्सलाई समेत उछिनेका छन् ।  यससँगै उनी आईसीसीको टेष्ट वरियतामा शीर्ष स्थानमा पुग्ने न्यूजिल्याण्डका पहिलो ब्याट्सम्यान बनेका छन् ।
सिड्नी पार्कमा टीमलाई जित दिलाउने क्रममा २५ वर्षका विलियम्सनले अविजित १०८ रन बनाए ।  यो वर्ष केन विलियम्सनको पाँचौं टेष्ट शतक हो र, न्यूजिल्याण्डका लागि आफैंमा रेकर्ड समेत हो । उनले एक क्यालेन्डर वर्षमा न्यूजिल्याण्डका लागि सर्वाधिक रनको कीर्तिमान पनि बनाए ।
२०१५ मा ९० भन्दा बढी औषतमा रन बनाएका विलियम्सन ८८९ अंकका सात शीर्ष स्थानमा छन् । ईग्ल्याण्डका जोए रुट दोस्रो र दक्षिण अफि्रकाका एबी डिभिलिर्स तेस्रो स्थानमा छ ।
यसैगरी अष्ट्रेलियाका स्टिभ स्मिथ चौथो र डेभिड वार्नर पाँचौं स्थानमा छन् । भारतका कुनै पनि ब्याट्सम्यान शीर्ष १० मा पर्न सकेनन् । पाकिस्तानका युसुन खान छैटौं, दक्षिण अफि्रकाका हसिम अमला सातौ, श्रीलंकाका एन्जेलो म्याथु आठौं, इंग्ल्याण्डका एलिस्टर कुक नवौं र पाकिस्तानका मिसवा उलहक १० औं स्थानमा छन् ।
बलिङतर्फ दक्षिण अफि्रकाका डेल स्टन शीर्ष स्थानमा छन् भने भारतका आर अश्विन दोस्रो स्थानमा छन् । इंग्ल्याण्डका जेम्स एण्डरसन तेस्रो, पाकिस्तानका यारिस शाह चौथो र इंग्ल्याण्डका स्टुआर्ड ब्रोड पाँचौं स्थानमा छन् ।

कुमारीत्वसम्बन्धी एउटा अंग्रेजी उखान छ- तिमीलाई कुमारी केटीसँग बिहे गर्नुछ भने कोक्रोमा पाइएला।कुमारीत्वको भ्रम र आडम्बरका कुरा युगौंदेखि चलिरहेका छन्। बिहेअघि शारीरिकसम्बन्ध नराखेकी अर्थात् अक्षत योनी भएकी महिलालाई कुमारीभन्ने गरिन्छ, सामान्यतया। तर, अक्षत योनीको अवधारणात्यति सजिलो भने छैन किनभने साइक्लिङ र खेलकुदले पनि किशोरीको योनीमा भएकोझिल्ली च्यातिनसक्छ। केही वर्षअघि सिन्धुपाल्चोकमा एउटा डिभोर्सको घटना भएको थियो। केही वर्षको प्रेमपछि एक जोडीले बिहे गर्‍यो। एक सातामै श्रीमान्लेश्रीमतीलाई त्यागिदिएको थियो। उसले डिभोर्सको कारण देखाएको थियो, ‘सुहागरातको दिन सम्भोग गर्दा उसको योनीबाट रगत आएन।’ महिला कुमारी हुनु वा नहुनुलाई पहिलो पटक गरिएको सम्भोगको क्रममा योनीबाट रगत बग्नुले कुनै प्रभाव पार्दैन। तर, नेपालमा अझै पनि शिक्षित मानिससमेत यस धारणाबाट ग्रस्त छन्।मेडिकल साइन्सका अनुसार रगत बग्नु वा नबग्नुले महिलाको कुमारीत्वसँग कुनै सम्बन्ध राख्दैन। कसैकसैमा सम्भोगको क्रममा हाइमेन नच्यातिएको भएमा हाइमेन च्याँतिदा योनीबाट रगत आउनसक्छ।मेडिकल साइन्सका अनुसार खेलकुद, साइक्लिङ, कडा किसिमका कसरत आदिका कारण हाइमेन च्यातिन सक्छ। तर, कतिपय महिलाहाइमेनबिना पनि जन्मिएको हुनसक्ने कुरा पत्ता लगाएको छ। केही महिलामा हाइमेन च्यातिँदा योनीबाट रगत नबग्ने र केही महिलामा हाइमेन नच्यातिने तर हाइमेनको फैलावट क्षमता बढी भएर पनि रगत नबग्न सक्ने कुरा पनि पत्ता लगाएको छ। अतः सम्भोग गर्दा योनीबाट रगत बगेमात्रमहिला कुमारी हो भन्ने भ्रममा कदापि पर्नुहुँदैन। हाइमेन एउटा झिल्ली हो, जसले योनीको बाहिरी द्वार ढाकेको हुन्छ। यसमा सानो प्वाल हुन्छ। यो विभिन्न शारीरिक श्रमर व्यायामबाट च्यातिनसक्छ। महिलाले बच्चा पाइसकेपछि महिलाको हाइमेनको केही या पूरै भागको अस्तित्व नरहन पनि सक्छ। त्यसैले कुमारीत्वसम्बन्धी गलत मानसिकतालाई छिट्टै हटाउनु बुद्धिमानी हुन्छ। महिलाहरू पहिलो सम्भोगमा त्यति खुल्नसक्दैनन्। प्रेम विवाहमा भन्दा परंपरागत विवाहमा महिलाहरू सम्भोगमा खुल्न गाह्रो मान्छन्। उत्तेजनामा आउन नसक्नुले पनि योनीमार्गमा प्रशस्त चिल्लो पदार्थ निक्लँदैन र योनी कडा हुन सक्छ। केही महिलाका योनीद्वार सानो भएर पनि लिंग भित्र छिर्न गाह्रो हुन सक्छ। यस्तो अनुभव भयो भने महिला कुमारी भएको ठान्दछन्पुरुषहरू। तर यस्तो अवस्थामा महिलालाई पीडा भएको हुन्छ। महिलालाई प्राक्क्रीडामा बढी समय दिएर पूर्ण उत्तेजनामा ल्याउन सकियो भने विवाहको पहिलो रात वा पहिलो सम्भोगमा योनीबाट रगतबग्ने, लिंग छिराउन कठिन हुने भन्ने नै हुँदैन। वास्तवमा योनी लचकदार तन्तुबाटबनेको हुन्छ। सानो लिंग छिर्दा कसिलो हुने योनीबाट बच्चा सजिलै निस्कन सक्नुलेयोनीको क्षमतालाई अझ बढी प्रस्ट्याउँछ। अहिले युवामाझ खुब चर्चा हुने शब्द हो, भर्जिन। भर्जिनसँग सम्भोग गर्दा मजा आउने कुराको पनि चर्चा हुने गर्छ। वास्तवमा महिला भर्जिन हो कि होइन भन्ने कुरा मेडिकल साइन्सले पत्ता लगाउनसक्दैन। यो महिलाको विश्वासमा निर्भर हुन्छ। महिलाले विवाहअघि सम्भोग गरेको कुरा पछि गएर कसैले थाहा पाउला कि भन्ने डर धेरैमा पाइएको छ। यो कुरा महिलाले नभनेसम्म पत्ता लाग्दैन। महिलाको योनीको फैलन र खुम्चन सक्ने गुणको कारण कुनै फरकपन महसुस हुँदैन। हाइमेनधेरै कारणले च्यातिन सक्ने भएकाले सम्भोगसँग यसको खासै सम्बन्ध छैन। कुमारी युवतीसँग सम्भोग गर्दा आनन्द आउने धारणा गलत हो। दुवैजना बराबर उत्तेजनामा आएर सम्भोगको चरमोत्कर्षमा पुग्न सकेमा सबै महिलासँग उत्तिकै सन्तुष्टि मिल्छ। कुरा कुमारीत्वभन्दा चरमोत्कर्षको हो।

क्यान्सर डर लाग्दो रोग हो, यसले महिला पुरुष केही भन्दैन् तर केही क्यान्सर भने महिलालाई मात्र हुन्छ, जस्तै गर्भासयको क्यान्सर । सेक्सका दौरान महिलालाइ धेरै रक्तश्राव भएमा, श्रावमा दुर्घन्ध आएमा ,पिसाव फेर्दा जलन भएमा, रोकिदै पिशाव भएमा तुरुन्त डाक्टरलाइ सम्पर्क राख्नु पर्छ। यस्ता लक्षणले ९० प्रतिशत सम्म गर्भासयको क्यान्सर तर्फ संकेत गर्छन्। गर्भासयको क्यान्सर ४० वर्ष उमेर नजिका महिलालाई धेरै हुने गरेको छ तर यसबाट जुनुसुकै उमेर समुह प्रभावित छन्। यसका बाट बच्न बेला बेलामा पप स्मेयर टेस्ट गर्नु बुद्धिमानी हुन्,यसबाट गर्भासयको क्यान्सर पत्ता लाग्दछ। यसबाट महिला निकै चनाखो रहनु पर्दछ, सेक्सका दौरान अत्याधिक रक्सश्राव,रक्तश्रावमा दुर्गन्ध र पिसाव सम्वन्धी समस्या देखा परे सचेत भइहाल्नु पर्दछ। 

स्खलन ढिलो हुने उपाय के होला ? शीघ्र स्खलन के हो ? किन्सेले गरेका प्रसिद्ध अध्ययनमा योनिमा लिङ्ग प्रवेश गराएको दुई मिनेटभित्रै ७५ प्रतिशत पुरुषको चरमसुख पाएको देखिएको थियो। शीघ्र स्खलनलाई कसरी परिभाषित गर्ने भन्ने कुरामा वैज्ञानिकहरूबीच बहस पनि नभएको होइन। ३० सेकेन्डमै वा एक मिनेटभन्दा कम समयमा वा ५ देखि १० धक्कामै वीर्यस्खलन भए छिटो स्खलन भएको भनेर परिभाषित गर्ने प्रयास भए पनि अहिले आफू तथा आफ्नो यौनजोडीले चाहेको समयभन्दा निरन्तर रूपमा चाँडो वीर्यस्खलन भए त्यसलाई छिटो वीर्यस्खलन भएको स्थिति अर्थात् शीघ्रस्खलन मान्न थालिएको छ। यौनसम्पर्कलाई कति समय लम्ब्याउने भन्ने कुरा यौन जोडीमा भर पर्छ। महिलालाई चरमसुखको स्थितिसम्म पुग्न केही बढी समयलाग्न सक्छ, त्यसैले पुरुषले लिङ्ग प्रवेश गराएर यौनसम्पर्क सुरु गर्नुभन्दा पहिले पर्याप्त मात्रामा पाक्क्रीडामा संलग्न हुन सके सहयोग पुग्छ। शीघ्र स्खलन र Performance Anxiety को कुरा !
प्रायः सबैजसो पुरुषले आफ्नो जीवनको कुनै न कुनै समयमा शीघ्र वीर्य स्खलन भएको अनुभव गरेका हुन्छन्। घर्षण नै गर्न नपाई वीर्य स्खलन हुने समस्या पुरुषहरूमा देखिने यौनसम्बन्धी समस्यामध्ये सबैभन्दा बढी पाइने समस्या हो। यसको पक्का कारण यही नै हो भनेर भन्न सकिने अवस्था नभए पनि अहिले शीघ्र स्खलनको मूल कारण मानसिक नै भएको पाइन्छ। कतिपय मानिसमा यौनसम्पर्क वा क्रियाकलापमा ‘राम्रो’ गर्न नसक्नु गम्भीर चिन्ताको कारण हुनसक्छ। आफ्नी श्रीमती वा यौन जोडीलाई सन्तुष्ट पार्न सक्दिनँ कि भन्ने चिन्ताले यो समस्यालाई अझ बढाउँछ। विरलै भए पनि केही उकथअजयतचयउष्अ मचगन कतै यस्तो समस्याको कारण त होइन भनेर केलाउन पनि बिर्सनु हुँदैन। आक्कलझुक्कल शीघ्र स्लखन हुँदा चिन्ता गर्नु आवश्यक छैन। शीघ्र स्खलनको समस्या नियमित रूपमा हुन थाल्यो भनेसमाधानको उपाय खोज्नुपर्ने हुन्छ। यो समस्यालाई कम गर्न आफैंले गर्न सकिने केही उपाय छन्, त्यसका बारेमा छोटकरीमा चर्चा गरौं। यौनसम्पर्क रोक्ने, सुरु गर्नेः यौनसम्पर्क गरिरहँदा स्खलन होलाजस्तो भएपछि तुरुन्तै योनिबाट लिङ्ग बाहिर झिकेर केही बेर यौनक्रीडालाई रो क्ने र उत्तेजना केही कम भए पछि पुनः सुरु गर्ने। आसन परिवर्तन गर्नेः लोग्नेमान्छे माथितिर र महिला तलको सट्टा महिला माथितिर बसेर सक्रिय भै यौनसम्पर्क गरे शीघ्रस्खलन कम गर्न मद्दत पुग्छ। लिंग अँठयाउनेः स्खलन होलाजस्तो भएपछि तुरुन्तै लिंग बाहिर झिकेर लिङ्गको फेदलाई बेस्सरी अठ्याउने र वीर्य स्खलन हुन नदिने। केही बेरमा उत्तेजना केही कम भएपछि पुनः यौनक्रीडा सुरु गर्ने। कन्डम प्रयोग गर्नेः कन्डमको प्रयोगबाट पनि कतिपयलाई शीघ्र स्खलनको समस्या कम गर्न मद्दत पुगेको छ। यस्तो बेलामा चिप्लो पदार्थ कम भएको तथा बाक्लो किसिमको कन्डमले बढी फाइदा पुर्याीउँछ। मांसपेशीको प्रयोग गर्नेः पिसाब आउँदा रोक्न प्रयोग गर्ने मांसपेशीको कसरत गरेर वीर्य स्खलनलाई रोक्ने अभ्यास गर्न सके पनि फाइदा पुग्छ। वीर्य स्खलन नियन्त्रणको अभ्यासः दीर्घकालीन उपचारका लागि यो सहयोगी हुनसक्छ। हस्तमैथुन गर्ने र वीर्य स्खलन होलाजस्तो भएपछि रो क्ने र उत्तेजना केही कम भएपछि पुनः हस्तमैथुन सुरु गर्ने, फेरि वीर्य स्खलन होलाजस्तो भएपछि रोक्ने र यो प्रक्रिया दोहोर्याकउने। वीर्य स्खलनलाई राम्रोसँग नियन्त्रण गर्न सक्छु जस्तो लागेपछि आफ्नो यौन साथीसँग यौनसम्पर्करहित यौन क्रियाकलापमा संलग्न हुने तर यौ नसम्पर्क भने नगर्ने। वीर्य स्खलन होलाजस्तो भएपछि क्रियाकलाप रोक्ने र उत्तेजना केही कम भएपछि पुनः सुरु गर्ने। आफ्नो यौन साथीसँग पहिले कुनै चिप्लो पदार्थ प्रयोग नगरी र पछि चिप्लो पदार्थ प्रयोग गरेर यस्तो क्रियाकलापमा संलग्न हुने। अब वीर्य स्खलनमा पर्याप्त नियन्त्रण भयो जस्तो लागेपछि लिङ्गलाई बिस्तारै भगक्षेत्र -योनिक्षेत्र) मा स्पर्श वा हल्का घर्षण गर्ने तर यौन सम्पर्क भने नगर्ने। वीर्य स्खलन होलाजस्तो भए उक्त क्रियाकलाप गर्न रोक्ने र उत्तेजना केही कम भएपछि पुनः सुरु गर्ने। वीर्य स्खलनलाई पर्याप्त नियन्त्रण गर्न सक्छु जस्तो लागेपछि माथि भनिएजस्तै पहिले श्रीमती बढी सक्रिय हुने गरी यौनसम्पर्क सुरु गर्ने। अनि वीर्य स्खलनको नियन्त्रण गर्न सकिने स्थिति वा क्षमता हेर्दै विविध उपाय अवलम्बन गर्दै यौनसम्पर्कलाई अघि बढाउने। समय र धैर्यता निकै लाग्ने भए पनि वीर्य स्खलन नियन्त्रणमा यी अभ्यास निकै लाभदायक हुन सक्छन् र यसमा पुरुषलाई यौन साथीको पर्याप्त सहयोग पनि चाहिन्छ।


नेपालको दूरसञ्चार सेवा प्रदायक कम्पनी एनसेल एक खर्ब ४० अर्ब नेपाली रूपैयाँ मूल्यांकनसहित बिक्री हुने भएको छ । एनसेलको प्यारेन्ट कम्पनी टेलियासोनेराले एनसेलमा रहेको आफ्नो हिस्सा मलेसियन दूरसञ्चार कम्पनी एक्सिएटालाई बिक्री गर्ने भएको हो ।
टेलियासोनेराले एनसेलमा रहेको ६०.४ प्रतिशत स्वामित्व एक अर्ब तीन करोड अमेरिकी डलर (एक खर्ब तीन अर्ब बढी नेपाली रुपैयाँ) मा एक्सिएटालाई बिक्री गर्न लागेको विज्ञप्ती मार्फत जानकारि दिएको छ ।
टेलियासोनेराले ६०.४ प्रतिशत प्रत्यक्ष शेयरसहित हालका स्थानीय साझेदार निरज गोविन्द श्रेष्ठको नाममा रहेको २० प्रतिशत शेयर पनि भावना सिंह श्रेष्ठलार्इ बिक्री गर्ने भएको छ ।
स्थानिय साझेदार निरजले आफ्नो शेयर धितोमा राखेर टेलियासोनेराबाट २३ अर्ब रुपैयाँ ऋण लिएपछि उनको नाममा रहेको २० प्रतिशत शेयर पनि अनौपचारिक रुपमा टेलियासोनेरासँग छ । एक्जिएटाले स्थानिय साझेदारका रूपमा छानेको भावनालार्इ २० प्रतिशत शेयर करिव चार करोड असी लाख डलर (करिव चार अर्ब ८० करोड रुपैयाँ) मा बिक्री गर्न टेलियासोनेरा सहमत भएको छ ।
टेलियासोनेराले भावनाको सिंगापुरमा दर्ता भएको सुनिवेरा क्यापिटल भेञ्चर्सबाट उक्त रकम प्राप्त गर्ने छ । यसरी टेलियासोनेराले एनसेल बिक्रीबाट झण्डै एक खर्ब १० अर्व  नेपाली रुपैयाँमा हात पार्नेछ । कारोबारको समापनसँगै टेलियासोनेरा र निरजबीच सन् २०१२ मा भएको व्यवस्था पनि स्वतः अन्त्य हुनेछ ।
एनसेलको तेस्रो सेयर होल्डरका रुपमा भाइजर समुहकसित रहेको १९.६ प्रतिशत सेयर पनि एक्सिएटाले खरिद गर्ने भएको छ । यसअघि एनसेलमा तीनवटा साझेदार रहेकोमा एक्जियटो प्रवेश गरेपछि दुईवटा हुनेछन् । एनसेलमा एक्जिएटाको ८० प्रतिशत शेयर रहनेछ भने स्थानिय साझेदार भावना सिंहको २० प्रतिशत शेयर रहने छ ।
सम्पूर्ण कारोवार समावेश गर्दा शेयर विक्रीबाट टेलियासोनेरामा करिब सात अर्ब पचास करोड स्विडिस क्रोनर बराबरको खुद नगद प्रवाह हुने बताइएको छ । कारोबारबाट टेलियासोनेराको खुद आयमा न्युन असर पर्ने उसको दाबी छ । यो कारोबार सन् २०१६ को पहिलो ६ महिना सम्ममा सम्पन्न हुने बताइएको छ ।
टेलियासोनेराको रणनीति
टेलियासोनेराले युरेसिया क्षेत्रका सातवटा स्थानबाट आफ्नो उपस्थितिलाई न्यून गर्दै नोर्डिक तथा बाल्टिक मुलुकका आफ्नो व्यवसायमा केन्द्रित गर्ने योजनाको घोषणा तीन महिनाअघि गरेको थियो । एनसेलको सेयर बिक्रीलाई उक्त योजना अनुरुपको पहिलो कदम तथा ठोस प्रमाणका रुपमा कम्पनीले व्याख्या गरेको छ ।
‘एक्सिएटालाई एउटा नयाँ धनीको रुपमा देख्न पाउँदा पनि मलाई खुशी लागेको छ । यसबाट एनसेललाई अर्को उचाइमा पुर्‍याउनका लागि हाम्रा समर्पित कर्मचारीहरुले असल साथ पाउछन् भन्ने कुरामा म विश्वस्त छु,’ टेलियासोनेराका प्रेसिडेन्ट तथा कार्यकारी प्रमुख योहान डेनेलिन्डले भनेका छन् ।
दक्षिण एशियाको शक्तिशाली एक्सिएटा
मलेशियाको स्टक एक्सचेन्जमा अनुसूचित एक्सिएटा दक्षिण एशियामा केन्दि्रत ख्यातीप्राप्त कम्पनी हो । यसका हाल छब्बीस करोड भन्दा धेरै ग्राहक तथा पच्चीस हजार कर्मचारी छन् ।
एक्सिएटाको हाल मलेसिया, इन्डोनेसिया, श्रीलंका, बंगलादेश, कम्बोडिया, भारत, सिंगापुर र पाकिस्तान लगायतका एशियाको दुरसञ्चार क्षेत्रमा रहेको सम्पत्ति पोर्टफोलियोलाई एनसेनलले बढाउने छ ।
‘जिम्मेवारीपूर्वक वहिर्गमन हाम्रो लागिअति महत्वपूर्ण छ । भुकम्पपश्चातको नेपालको पुनर्निर्माणमा हामी नेपाल सरकारसँगहाम्रो सहकार्य जारी राख्नेछौं,’ योहान डेनेलिन्डले भने ।

पुष ७।  नेपाली सेनाको आयोजनामा तेस्रो अन्तर्राष्ट्रिय प्रधानसेनापति कप महिला फुटबल प्रतियोगिता आजदेखि काठमाडौंमा सुरु भएको छ ।
प्रतियोगिताको प्रधानसेनापति राजेन्द्र क्षेत्रीले उद्घाटन गरे । नकआउट आधारमा खेलाइने प्रतियोगितामा नेपालका ८ तथा भारतका २ सहित १० टोलीले प्रतिस्पर्धा गर्नेछन् ।
justify;">सहभागी टोलीहरुलाई दुई समुहमा विभाजन गरिएको छ । प्रतियोगिताको उद्घाटन खेलमा आज नेपाल प्रहरीले पुर्वाञ्चललाई ३–० गोल अन्तरले पराजित गरेको छ ।
यस्तै, हिजै सम्पन्न अर्को खेलमा मध्यमाञ्चलले मध्य पश्चिमाञ्चललाई ३–० गोल अन्तरले पराजित गर्‍यो ।
पुस १२ गतेसम्म सञ्चालन हुने प्रतियोगितामा प्रथम हुने टोलीले नगद रु ३ लाख हात पार्नेछ भने दोस्रो टोलीले १ लाख ५० हजार तथा तेस्रो हुनेले १ लाख हात पार्ने छन् ।
यस्तै, सर्वोत्कृष्ट खेलाडीलाई अखिल नेपाल फुटबल संघ (एन्फा)ले स्कुटर प्रदान गर्ने छ ।


पुस ६ । प्रदेश सीमांकनको मुद्दा उठाएर मधेसी मोर्चाले आन्दोलन लम्ब्याईरहेको बेला प्रधानमन्त्री केपी ओलीले पूर्वका विवादित तीन जिल्ला तलमाथि गर्न नसकिने प्रष्ट पारेका छन् ।
एमाले सुनसरीको दोस्रो जिल्ला परिषद भेलाको आज इटहरीमा उद्घाट्न गर्दै प्रधानमन्त्री ओलीले झापा, मोरङ र सुनसरी विभाजित हुन नदिने अडान दोहोर्‍याए। मेची र कोशी अञ्चलका एउटा वडा पनि दायाँ–बायाँ नहुने उनको भनाइ थियो ।
मधेस आन्दोलनको नाममा भईरहेको अराजकता र वितण्डा सरकारले धेरै सहेको भन्दै प्रधानमन्त्री ओलीले अब सरकार चूप लागेर नबस्ने बताए ।
उनले केही मधेसी दलहरुको माग सम्बोधन गर्न सरकारले हदैसम्म लचकता अपनाएको र अब पनि उनीहरु (मधेसी मोर्चा) आन्दोलन रोकेर सहमतिमा नआए सरकार चूप लाग्न नसक्ने उनले बताए ।


पुष ४।  शिक्षक सेवा आयोगले शिक्षक बन्न चाहनेलाई प्रदान गर्दै आएको शिक्षण अनुमतिपत्र (लाइसेन्स) शिक्षकले पढाउने विषयअनुसार वितरण गर्ने तयारी गरेको छ।
आयोगका अध्यक्ष ताना गौतमका अनुसार आयोगका सदस्यबीच यस विषयमा सैद्धान्तिक सहमति भइसकेको छ। उनका अनुसार एक साताभित्रमा यस विषयमा निर्णय गरेर शिक्षामन्त्रीसमक्ष पेस गरिनेछ। आयोगले अहिले जुन विषय पढाउने शिक्षकलाई पनि लाइसेन्सको परीक्षामा एकै प्रकारको प्रश्न सोध्ने गरेको  छ।
विषगत रूपमा फरकफरक रुचि भएका व्यक्तिलाई एकै प्रकारको प्रश्न सोधेर लाइसेन्स वितरण गरिँदा गुणस्तरीय शिक्षण गर्न नसकिएको निक्र्योलसहित आयोगले नयाँ व्यवस्था गर्न लागेको हो । अध्यक्ष गौतमले भने, ‘बढ्दो प्रतिस्पर्धाको जमानामा एकैथरी प्रश्न सोधेर लाइसेन्स वितरण गरिनु वैज्ञानिक देखिएन। पुरानो प्रणाली सुधार गर्न नयाँ व्यवस्था गर्न लागेका हौं।’
पहिलो चरणमा विषयगत रूपमा विज्ञान, अंग्रेजी र गणित विषयमा लाइसेन्स वितरण गरिनेछ । शिक्षक बनेर यी तीनबाहेक अन्य विषय पढाउन चाहने व्यक्तिका लागि भने एकै प्रकारको परीक्षा सञ्चालन गरिनेछ।

पुस ४ । पश्चिम नेपालको सुदूरपश्चिममा आज(शनिबार) बिहान भूकम्पको धक्का महसुुस गरिएको छ । केन्द्रीय भूकम्पमापन केन्द्र काठमाडौँका प्रमुख लोकविजय अधिकारीले बिहान ४ बजेर २ मिनेटमा बाजुरा जिल्लाको जगन्नाथ आसपास केन्द्रबिन्दु बनाएर ५.५ रेक्टर स्केलको भूकम्प गएको बताए ।
उनका अनुसार भूकम्पको धक्का महसुस सुदूरपश्चिमलगायतमध्यपश्चिमका अधिकांश जिल्लामा गरिएको छ । रासस 

पुस ४ । रौतहटको हरैया पल्टुवा गाबिस–३ पल्टुवा कानुटोलमा शनिबार बिहान आमा छोरीको हत्या भएको छ ।
स्थानिय रेणु साह र उनकी १० बर्षिय छोरी अंकिता साहको धारिलो हतियार प्रहार गरी हत्या गरिएको अवस्थामा घर भन्दा २ सय मिटर उतर वडानम्बर ४ र ८ को दुईटोल बीच भागमा पर्ने उखुबारी नजिकको बाटोमा शव फेला परेको हो ।
style="text-align: justify;">शरिरका विभिन्न भागमा हतियारले नराम्रोसंग काटिएको अवस्थामा शव फेला परेको प्रहरीले जनाएको छ । मृतक साहका श्रीमान रामबालक साह चार बर्ष देखि बैदेशिक रोजगारीको लागि मलेसियामा कार्यरत रहेका छन । घटनाको अनुसन्धान भइरहेको प्रहरीले जनाएको छ ।

पीरो मन पराउनेका लागि खुर्सानी बिनाको खाना मीठै लाग्दैन । धेरैले खुर्सानी स्वादका लागि खाने गरेका छन् । तर, खुर्सानीमा लाभकारी गुण भएको कमैलाई जानकारी होला । १. हरियो खुर्सानी मा भिटामिन सी पर्याप्त मात्रामा हुन्छ । भिटामिन सीले अरु भिटामिनलाई शरीरमा राम्ररी पचाउन सघाउँछ । २. यो एन्टी–अक्सिीडेन्टका  राम्रो माध्यम हो । ३. हरियो खुर्सानीमा डाइट्री फाइबर्स प्रचुर मात्रामा हुन्छ । जसले पाचन क्रिया सुचारु गर्न मद्दत पुर्याउँछ । ४. भिटामिन ए भरपूर भएको हरियो खुर्सानीले  आँखा तेजिलो र छाला चम्किलो बनाउँछ । ५. कति अध्ययनले हरियो खुर्सानीले ब्लड सुगर कम गर्ने पत्ता लगाएका छन् । ६. हरियो खुर्सानीमा क्याप्साइसिन नामक एक तत्व पाइन्छ जो प्रोस्ट्रेट क्यान्सरबाट जोगाउन महत्वपूर्ण भूमिका खेल्छ । ७. यसमा रहेको तत्वले छाला सफा बनिरहन्छ । डन्डीफोर आउन दिँदैन ।

शिक्षक पदमा स्थायी प्रतिस्पर्धाका लागि लिइने लिखित परीक्षा दुई सय पूर्णाङ्कको गरिने भएको छ । हाल एक सय पूर्णाङ्कको लिखित परीक्षा सञ्चालन हुँदै आएको छ ।

मन्त्रिपरिषद्ले सरकारको दुई वर्षे कार्ययोजनालाई स्वीकृति प्रदान गरेको छ । उक्त कार्ययोजनामा शिक्षक सेवा आयोग नियमावली संशोधन गर्ने उल्लेख गरिएको छ । नियमावली संशोधन गर्ने यस सरकारी प्रतिवद्धताले शिक्षक पदको स्थायी प्रतिस्पर्धाका लागि सञ्चालन गरिने लिखित परीक्षालाई दुई सय पूर्णाङ्कको बनाउन बाटो खुला भएको हो ।

शिक्षक सेवा आयोगका अध्यक्ष ताना गौतमले हालको एक सय पूर्णाङ्क निकै कम भएको बताउँदै भन्नुभयो, “यो अपुग भएको महशुस गर्दै आएका छौँ । त्यसैले यसलाई दुई सय पूर्णाङ्क पु¥याउने योजनालाई अब कार्यान्वनतर्फ लैजान्छौँ ।”

लोक सेवा आयोगको लिखित परीक्षामा चार सय पूर्णाङ्कको व्यवस्था छ । शिक्षक सेवा आयोगले पनि शिक्षक पदका लागि लिइने परीक्षाको पूर्णाङ्क बृद्धि गर्न निकैअघि प्रयास गरे पनि त्यसलाई बढाउन स्वतन्त्रता नभएको भन्दै कार्य अगाडि बढाउन सकेको थिएन । हाल शिक्षक सेवा आयोगका काम कारवाही नियमावलीबाट सञ्चालित भएकाले छुट्टै ऐन आवश्यक भएको भनिदै आएको छ । आयोगले तत्काल ऐन प्राप्त हुन नसके पनि नियमावलीमार्फत संशोधनको कार्य अगाडि बढाउने भएको छ ।

शिक्षक पदका उम्मेदवारलाई हाल २० अङ्कको विषयगत, ५० अङ्कको संक्षिप्त प्रश्न र ३० अङ्कको लामो प्रश्न सोधिने गरिएको छ । आयोगका अध्यक्ष गौतमले अब विषयगत एक सय पूर्णाङ्क र अध्यापन सीपका बारेमा एक सय पूर्णाङ्कको परीक्षा सञ्चालन गर्न आवश्यक कानुनी व्यवस्था गरिने जानकारी दिनुभयो ।

हालसम्म शिक्षक पदका लागि लिखित परीक्षा एकै दिनमा सम्पन्न गर्ने गरिएकोमा दुई सय पूर्णाङ्क पु¥याइएपछि दुई दिन परीक्षा सञ्चालन हुनेछ । “दुई दिन परीक्षा सञ्चालन गर्दा आर्थिक दायित्व निश्चित रुपमा बढ्छ” उहाँले भन्नुभयो, “बजारमा जनशक्ति पर्याप्त छ र उनीहरुलाई ‘फिल्टर‘ गर्नु जरुरी छ । पूर्णाङ्क बृद्धि गर्दा बढी गुणस्तरीय शिक्षक छनोट हुुनसक्छन् ।”

आयोगले लिखित परीक्षाको उत्तीर्णाङ्क भने ३५ प्रतिशतलाई नै कायम गर्ने भएको छ । लोक सेवा आयोगमा पनि यसैलाई आधार बनाइएको छ । उहाँले शिक्षक पदका लागि आरक्षित कोटामा ३५ प्रतिशत अङ्क ल्याउन नसक्दा बर्सेनि थुप्रै पद गुमाउनु परेको जानकारी दिँदै भन्नुभयो, “लिखित परीक्षामा ३५ प्रतिशत पनि ल्याउन नसक्नेहरु छन् । त्यसैले उत्तीर्णाङ्कलाई बृद्धि गरिएमा कतिपय विषयमा उत्तीर्ण हुने शिक्षक नै उपलब्ध हुन नसक्ने अवस्था सिर्जना हुनसक्ने भएकोले हाललाई यही नै कायम रहन्छ ।”

आयोगले सञ्चालन गर्दै आएको स्थायी अध्यापन अनुमतिपत्रको परीक्षा समेत विषयगत रुपमा सञ्चालन गर्ने योजनालाई अगाडि सारेको छ । शिक्षक बन्नका लागि २०६१ सालबाट यस्तो अनुमतिपत्रलाई अनिवार्य गर्दै परीक्षा सञ्चालन गरिँदै आएको छ । आयोगले हाल निम्न माध्यमिक तथा माध्यमिक तहमा मात्र स्थायी अध्यापन अनुमतिपत्र वितरण गर्दै आएको छ र जुन सुकै विषय अध्यापन गर्ने शिक्षकलाई एउटै प्रश्नपत्रका आधारमा परीक्षा सञ्चालन गर्दै आएको छ ।

आयोगका अध्यक्ष ताना गौतमले जुन विषय अध्यापन गरिने हो सोही विषयमा परीक्षा लिई स्थायी अध्यापन अनुमतिपत्र वितरण गरिनुपर्दछ भन्दै थप्नुभयो, “त्यसैले यसमा विषयगत परीक्षा सञ्चालन गर्ने योजना बनाइरहेका छौँ ।” 

आयोगले हालसम्म आठ लाखभन्दा बढीलाई यस्तो अनुमतिपत्र वितरण गरिसकेको छ ।

आयोगले गत वर्षबाट स्थायी अध्यापन अनुमतिपत्रको लिखित परीक्षामा ५० प्रतिशत ल्याउनेलाई प्रमाणपत्र दिने व्यवस्था गरेको छ । त्यसअघि ४० प्रतिशत ल्याउनेले प्रमाणपत्र प्राप्त गर्दथ्यो । उहाँले गुणस्तरीय शिक्षक छनोटका लागि स्थायी अध्यापन अनुमतिपत्रको उत्तीर्णाङ्क ५० प्रतिशतबाट बढाउनुपर्ने भनाइ आए पनि हाल त्यसलाई बढाउने बारेमा नसोचिएको बताउनुभयो ।

पुष।  सरकारले शुक्रबार राती साढे सात बजेबाट यो वर्षको एसएलसी विद्यार्थी लक्षित गरी रेडियो नेपालबाट पढाई आरम्भ गरेको छ ।

भुकम्प र तराई आन्दोलनबाट प्रभावित करिब २२ लाख विद्याथीलाई लक्षित गरी कक्षा १० को पाठ्क्रममा आधारित कक्षा सबै विषयमा पठन पढाई शुरु गरेको हो । शैक्षिक जनशक्ती विकास केन्द्रले तयार गरेको पाठ्यक्रममा आधारित कक्षा शुरु गरिएको हो । 

केन्द्रका कार्यकारी निर्देशक सुर्य गौतमले फागुन अन्तिम सातासम्म कक्षा संचालन हुने भएको छ । पहिलो चरणमा १५ मिनेट अवधीको कक्षा संचालन हुने छ । 

शिक्षा मन्त्री गिरीराजमणी पोखरेलले मन्तब्य जारी गरी पढाई आरम्भ गर्नुभएको थियो । 

तराईका आठ जिल्लाका स्थानीय एफएमबाट समेत पढाई सुचारु गर्ने गरी तयारी भएको छ । शिक्षा विभागका महानिर्देशक खगराज बरालले एसएलसी दिने विद्यार्थीको पाठ्यक्रममा आधारित कक्षा संचालन गरिएको जानकारी दिनभयो । भुकम्प र तराई आन्दोलन पिडीत विद्यार्थीलाई लक्षित गरी सुनाई कक्षा संचालन गरेपछि यस्ल कक्षा १० मा अध्ययनरत सबै विद्यार्थीले लाभा लिन सक्ने बताउनुभयो ।

सरकारले प्रदेश नम्बर २ लाई लक्षित गरी कक्षा संचालन गर्न आज सार्वजनीक सुचना जारी गरी एफएम छनौट गर्ने भएको छ । मन्त्रालयले एकैदिन एफएम र रेडियो नेपालबाट शिक्षण कक्षा संचालन गर्ने जनाएको थियो । एफएमबाट कार्यक्रम संचालन गर्न प्रकृया पुरा गर्नुपर्नेभएकोले केही ढिलो भएको हो प्रकृया पुरा गरी स्थानीय एmएम छनौट भएपछि पुन कार्यक्रम संचलन गर्नेछौ–मन्त्रालयका प्रवक्ता डा. हरी लम्सालले भन्नुभयो ।

रेडियोबाट संचालन हुने कार्यक्रम तालिका अनुसार आइतबार अंग्रेजी, सोमबार पहिलो र दोसा्रे हप्ता कक्षा १०को गणित, तेस्रो र चौथौ हप्ता कक्षा १० को स्वाथ्य जनसंख्या तथा वातावरण शिक्षा, मंगलबार हरेक हप्ता कक्षा १०को गणित, बुधबार हरेक हप्ता समाचार, सुचना रेडियो रिपोर्ट,प्रश्नोत्तर , लघुनाटक र जिंगल लगायत समसामयीक शैक्षिक गतिविधि संचालन गर्ने भएको छ ।

बिहीबार हरेक हप्ता कक्षा १०को सामाजिक शिक्षा, शुक्रबार कक्षा १०को नेपाली र शनिबार पहिलो हप्ता पाठ्यक्रममा आधारित रेडियो नाटक, दोस्रो हप्ता अन्तवार्ता सुचना जिंगल, तेस्रो हप्ता रेडियो नाटक र चौथौ हप्ता विद्यार्थी प्रश्नोत्तर ,सुचना र जिंगल प्रशारण गर्ने भएको छ । रेडियो नेपालबाट प्रशासण हुने कार्यक्रम बेलुकी ७ बजेको समाचारपछि प्रशारण गरिने शैक्षिक जनशक्ती विकास केन्द्रले जनाएको छ । केन्द्रका अनुसार आइतबार देखि शुक्रबार सम्म दिउसो साढे १ देखि र शनिबार दिउसो २ बजेको अंग्रेजी समाचारपछि प्रशारण हुने जनाएको छ ।

केन्द्रका अनुसार नेपाल टेलिभिजनले भने अनिवार्य विषयको मात्र पढाई गर्ने भएको छ । नेपाल टेलिभिजनको राष्ट्रिय प्रशारण अन्तर्गत बेलुकी साढे ५ बजे आइतबार र सोमबार अंग्रेजी, गणित र विज्ञान विषयका श्रब्यदृश्य पाठहरु प्रशासण गरिने भएको छ । नेपाल टेलिभिजनद्धार प्रशारण गरिने कार्यक्रमको अवधी २५ मिनेटको हुनेछ । 

केन्द्रका कार्यकारी निर्देशक गौतमले तराईका करिब ५६ हजार एसएलसी दिने र भुकम्पपिडित विद्यार्थीलाई लक्षित गरी दुर शिक्षा माध्यमबाट कक्षा संचालन गरिएको जानकारी दिनुभयो । शिक्षा मन्त्रीको १८ बुदे अवधारणा अनुसार रेडियो कार्यक्रम संचालन गरिएको हो । 



यस वर्षको एसएलसी परीक्षा आगामी चैत १८ गतेबाट सुरु हुने भएको छ ।

परीक्षा नियन्त्रण कार्यालयका अनुसार परीक्षा चैत २९ गतेसम्म सञ्चालन हुनेछ ।

तराईमा आन्दोलनका कारण पठनपाठन अवरुद्ध भएकाले परीक्षा केही दिन पर सारिएको बताइएको छ ।

परीक्षा नियन्त्रक खगेन्द्र नेपालले साधारण र प्राविधिक धार दुवैको सँगै परीक्षा सञ्चालन हुने जानकारी दिनुभयो ।

पहिलो दिनमा अनिवार्य अंग्रेजी विषयको परीक्षा हुनेछ ।



चैत १८ गते अंग्रेजी

चैत १९ गते नेपाली

चैत २१ गते गणित

चैत २२ गते विज्ञान

चैत २३ गते सामाजिक शिक्षा

चैत २४ गते स्वास्थ्य, जनसंख्या तथा वातावरण

चैत २५ गते ऐच्छिक प्रथम

चैत २६ गते ऐच्छिक द्वितीय

र चैत २७, २८ तथा २९ गते प्राविधिक विषयका परीक्षा परेको छ । 

पुष ३।  फेरि लोडसेडिङ बढ्ने भएको छ । अब उपभोक्ताले दिनमा १० घण्टासम्म लोडसेडिङ भोग्नुपर्नेछ ।
बिजुलीको उत्पादन कम भएको भन्दै नेपाल विद्युत प्राधिकरणले शनिबारदेखि दिनमा दुई घण्टासम्म लोडसेडिङ लम्ब्याउने तयारी गरेको हो ।
मागभन्दा उत्पादन निकै कम भएपछि लोडसेडिङ बढाउन लागिएको प्राधिकरणका प्रवन्ध निर्देशक मुकेशराज काफ्लेले बताए ।
नदीमा पानीको बहाव घटेर बिजुली उत्पादनमा ह्रास आएपछि अहिले सातामा ५६ घण्टा लोडसेडिङ भइरहेको छ ।
‘बिहान र बेलुकी खाना बनाउने समयमा बढी आपूर्ति गर्ने तरी तालिका बन्नेछ,’ प्राधिकरणका प्रवन्ध निर्देशक काफ्लेले भने, ‘आपूर्ति कम भएपछि लोडसेडिङ बढाउनु हाम्रो बाध्यता हो ।’
नदीहरुमा पानीको सतह घट्दै गएका कारण विद्युतको उत्पादन घट्दो क्रममा छ । सुख्खा मौसमका कारण बिजुली उत्पादन प्रभावित भएपछि घोषित रुपमा लोडसेडिङ बढाउन लागिएको प्राधिकरणले जनाएको छ ।
‘सकेसम्म उपभोक्तालाई खाना पकाउने समयमा कम बिजुली कटौती गर्ने प्रयास हुन्छ । तर, बिजुली पर्याप्त नभएकाले उपभोक्ताले पनि सचेत भएर कम खपत हुने गरी विद्युतीय सामग्री चलाउनुपर्छ,’ काफ्लेले भने ।

पुस २ । भारतमा हुने साफ च्याम्पियनसिप फुटबल प्रतियोगिताको तयारीमा रहेको नेपाली राष्ट्रिय फुटबल टोलीे अभ्यास खेलमा बंगलादेशसँग पराजित भएकोे छ ।

बंगलादेशको ढाकामा विहीबार साँझ सम्पन्न खेलमा बंगलादेशको राष्ट्रिय फुटबल टोलीले नेपाललाई १–० गोलले पराजित गरेको हो ।

बंगलादेशका लागि खेलको १८औंमिनेटमा शाखावत रुनीले निर्णायक गोल गरे ।

पहिलो हाफमा नेपालले गोलका लागि पाएका केही राम्रा अवसर खेर फाल्दा बंगलादेशले पनी अग्रता दोब्बर बनाउने अवसरहरु खेर फाल्यो । दोस्रो हाफमा नेपाली टोलीले केही सुन्दर अवसरहरु सिर्जना त गर्‍यो तर त्यसलाई गोलमा परिणत भने गर्न सकेन ।

नेपाली टोलीका मुख्य प्रशिक्षक प्याट्रिक ओसेम्सले विहीबार सुरुआती ११ मा अधिकांश युवा खेलाडीलाई मौका दिएका थिए । नियमित गोलरक्षक किरण चेम्जोङको स्थानमा विकेश कुथुले सुरुआती ११ मा मौका पाएका थिए ।

नेपाली राष्ट्रिय टोलीबाट विहीबार मिडफिल्डरहरु हेमन गुरुङ, योगेश गुरुङ तथा विंगर नवीन लामाले ‘डेब्यु’ गरेका छन् । हेमन गुरुङ र नवीन लामाले सुरुआती ११ मा पर्दै राष्ट्रिय टोलीबाट डेब्यु गर्दा योगेशले ५७औं मिनेटमा विक्रम लामालाई स्थानान्तरण गर्दै राष्ट्रिय टोलीको जर्सी लगाएका हुन् ।

दोस्रो हाफको सुरुआतमै नेपाली प्रशिक्षक प्याट्रिक ओसेम्सले गोलरक्षक विकेश कुथुको स्थानमा किरण चेम्जोङ, अनिल गुरुङको स्थानमा नवयुग श्रेष्ठ, नवीन लामाको स्थानमा विमल घर्तीमगर तथा विशाल राईको स्थानमा रोहित चन्दलाइ मैदान छिराएका थिए । प्रशिक्षक ओसेम्सले विक्रम लामाको स्थानमा योगेश गुरुङलाई मौका दिँदा हेमन गुरुङको स्थानमा जगजित श्रेष्ठलाई मौका दिएका थिए ।

विहीबारको खेलमा पराजित भएसँगै नेपाली टोली पछिल्ला १० खेलमा गोलविहीन बनेको छ । पछिल्लोपटक २०७० साल भदौमा काठमाडौंमा सम्पन्न साफ च्याम्पियनसिप फुटबलको समूह चरणमा भारतलाई २–१ ले हराएरको नेपालले त्यसपछिका १० खेलमा गोल गर्न सकेको छैन ।

यीमध्ये ८ खेल हारेको नेपालले भारतविरुद्धका पछिल्ला दुई खेल भने गोलरहित बराबरीमा सकाएको थियो ।

अनिल गुरुङको कप्तानीमा रहेको नेपाली टोलीमा यसपटक युवा खेलाडीहरुको बाहुल्यता छ । ‘म्याच फिक्सिङ’ प्रकरणमा नियमित कप्तान र उपकप्तानसहितका केही खेलाडी निलम्बनमा परेपछि नेपाली टोलीमा अधिकांश नयाँ खेलाडीहरु समेटिएको हो ।

भारतमा यही पुस ८ गतेदेखि हुन लागेको साफ च्याम्पियनसिपमा नेपाल आयोजक भारत र श्रीलंकासँगै समूह ‘ए’मा रहेको छ ।

बंगलादेशको अभ्यास सकाएर नेपाली टोली सोझै प्रतियोगिता खेल्न भारत जाने छ । 

पुष १।  युरोपेली फुटबल महासंघ यूईएफएले च्याम्पियन्स लिग टीम अफ ग्रुप स्टेज घोषणा गरेको छ ।
तर, यो टीममा बार्सिलोनाका तीन स्टार लिओनल मेस्सी, नेयमार र लुइस स्वरेज पर्न सकेनन् । साथै बार्सिलोनाका कुनै खेलाडी पनि च्याम्पियन्स लिग टीम अफ ग्रुप स्टेजमा परेका छैनन् ।
च्याम्पियन्स लिगको समूह चरणको खेलमा भएको प्रदर्शनका आधारमा टीम घोषणा गरिएको हो ।
च्याम्पियन्स लिग टीम अफ ग्रुप स्टेजको फवार्डमा रियल मड्रिडका क्रिष्टियानो रोनाल्डो, बार्यन म्युनिखका थोमर मुलर र जेनिटका हल्क परेका छन् । मिडफिल्डरमा म्यानचेष्टर सिटीका राहम स्टर्लिङ, चेल्सीका विलियन्स र जेन्टका स्भेन कम्स छन् भने डिफेण्डरमा बार्यन म्युनिखका अलाबा, एथ्लेटिको मडि्रडका गोडिन, पेरिस सेन्ट जर्मेनका सिल्भा र युभेन्टसका आड्रिया बाइजाली छन् ।
च्याम्पियन्स लिग टीम अफ ग्रुप स्टेजको गोलकिपरमा पेरिस सेन्ट जर्मेनका केभिन ट्राप परेका छन् ।

पुस १ । नेत्रविक्रम चन्द नेतृत्वको नेकपा माओवादीका कार्यकर्ताले ललितपुरको भैंसेपाटीस्थित टेलिभिजन प्रशारक संस्था डिस होमको अर्थ स्टेसनमा पेट्रोल छर्किएर आगजनी गरेका छन् ।
पाँच जनाको समूहमा आएका माओवादीका कार्यकर्ताले बुधबार बिहान अर्थ स्टेसनमा पेट्रोल छर्किएर आगजनी गरेका हुन् ।
justify;">आगजनीबाट डिस होमको अर्थ स्टेसनमा क्षति पुगेको छ भने प्रसारण अबरुद्ध भएको छ । मास्क लगाएर मोटरसाइकलमा आएका माओवादी कार्यकर्ताले स्टेसनको सुरक्षार्थ खटिएकाहरुलाई लछारपछार गर्दै भित्र छिरेर जर्किनमा ल्याएको पेट्रोल छर्किएर अर्थ स्टेसनमा आगजनी गरेका थिए ।
आगजनीबाट दुई करोड रुपैयाँ बराबरको क्षति भएको र पाँच लाख ग्राहक प्रभावित भएको डिस होमले जनाएको छ ।
भारतीय टेलिभिजन च्यानलको प्रसारण रोक्न पटकपटक गरिएको आग्रह बेवास्ता गरेकाले चेतावनी स्वरुप आक्रमण गरिएको नेकपा माओवादीले जनाएको छ ।
भारतले लगाएको अघोषित नाकाबन्दीसँगै चन्द नेतृत्वको नेकपा माओवादीले हिन्दी च्यानल प्रसारण बन्द गर्दै दबाब दिँदै आएको थियो । घटनाबारे थप अनुसन्धान भइरहेको प्रहरीले जनाएको छ ।

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.