फागुन २२ – बलिउड अभिनेत्री रविना टण्डन पाकिस्तानकी पूर्व प्रधानमन्त्री बेनजिर भुट्टो बन्ने भएकी छन् । रविनाले बेनजिरको जीवनीमाथि बन्ने चलचित्रमा मुख्य भूमिका निभाउने भएकी हुन् । पहिला बेनजिरको भूमिका निभाउन विद्या वालनलाई प्रस्ताव गरिएको थियो ।
रविनाले यो चलचित्रका अभिनय मात्रै नगरेर निर्माताको भूमिका पनि निभाउने छिन् । सन् २००७ सेप्टेम्बर २७ मा रावलपिण्डीमा भएको बम आक्रमणमा बेनजिरको निधन भएको थियो ।
रविना यसअघि सन् २०१२ मा प्रदर्शन भएको बुड्ढा होगा तरा बापमा अमिताभ बच्चनसँग देखिएकी थिइन् । त्यसपछि उनको कुनै पनि चलचित्र प्रदर्शनमा आएका छैनन् । रविना बलिउडमा तीन वर्षपछि कमव्याक गर्न लागेकी हुन् ।