३० फागुन, दक्षिण अफ्रिकाका चिकित्सकहरुले एक व्यक्तिमा सफलतापूर्वक लिंग प्रत्यारोपण गरेका छन् । लिंग प्रत्यारोपण विश्वमै पहिलो घटना भएको उनीहरुको दाबी छ ।
केपटाउनस्थित टाइबरबर्ग अस्पताल र टेलनेबोस युनिभर्सिटीका शल्य चिकित्सकहरुले ९ घण्टा लगाएर २१ बर्षीय युवकमा सफलतापूर्वक लिंग प्रत्यारोपण गरेको बीबीसीले जनाएको छ । यसअघि चीनमा लिंग प्रत्यारोपणको प्रयास असफल भएको थियो ।
शल्य चिकित्सकहरुले लिंग प्रत्यारोपणमा मिलेको सफलतालाई मेडिकल साइन्समा ठूलो उपलब्धी भनेका छन् ।
चिकित्सकहरुले २१ बषर्ीय ति युवकको परिचय भने खुलाएका छैनन् । एक घटनामा उनको लिंग काम नलाग्ने गरी बिगि्रएको र हाल सफलतापूर्वक प्रत्यारोपण गरेको मात्र जानकारी दिएका छन् ।
प्रत्यारोपण गर्ने चिकित्सक टोलीका प्रमुख प्रोफेसर आन्द्रे वान डेर मर्वले भनेका छन्, ‘मेडिकल साइन्सका लागि यो एकदमै ठूलो उपलब्धी हो । यो सफल अपरेशन गर्ने टीममा रहनु मेरो लागि गर्वको कुरा हो ।’