सिंहदरबार छेऊको हनुमानथानबाट थापागाउँतर्फ जाने पुलकै छेऊमा साेमबार बिहान शव फेला परेको हो । राति कसैले मारेर फालेको भेटेपछि स्थानीयले बिहानै प्रहरीलाई खबर गरेका छन् ।
सडकमा हत्या गरेर फालिएको शब देखेपछि बिहानै त्यहाँ मानिसको भिड लागेको छ । मृतक युवक थापागाउँ नजिकै डेरा गरी बस्ने व्यक्ति रहेको स्थानीय एक महिलाले सनाखत गरे पनि नाम र थर पत्ता लागेको छैन ।
अन्दाजी ३०-३५ वर्षको जस्तो देखिने पुरुषको शव फेला परेको प्रहरीले जनाएकाे छ।
खोला छेउमा घोप्टो परेको अवस्थामा फेला परेको शवको टाउकोमा रगत देखिएको छ । प्रहरीले घटनास्थलमा पुगेर सर्जमिन मुचुल्का उठाएको छ ।