चर्चित लोक रक ब्याण्ड नेपथ्यले आईतवार बैंगलोरमा पढ्ने नेपाली बिद्यार्थीहरुलाई नचाएको छ । बैंगलोरमा स्थित आर. आर ईन्स्टिच्युटको मैदानमा नेपथ्यले आफनो प्रस्तुती दिएको हो । शान्तिका लागि शिक्षा अभियानमा बिगत लामो समय देखि गाउँदै आएको नेपथ्यले यो पटक बैगंलोरमा पढ्ने बिद्यार्थीलाई थप हौसला थप्न आफनो प्रस्तुती दिएको जनाएको छ । कन्सर्टका क्रममा नेपथ्यका गायक अमृत गुरुगंले राम्रासँग पठन पाठन गर्नुहोला भन्ने शुभकामना ब्यक्त गरेका थिए ।
साथै गुरुगंले सबै बिद्यार्थीलाई बसेको ठाउँको सामाजिक संस्कारलाई आदर गरेर बस्न पनि आग्रह गरेका थिए । कन्सर्टमा भेडाको उनजस्तो, रेशम, जोगले हुन्छ भेट जस्ता लोकप्रिय गितमा अमृतले दर्शकलाई नचाएको थिए । कन्र्सटमा हजारौं नेपाली बिद्यार्थीसँगै नेपालभाषि दर्शक र भारतीय बिद्यार्थीहरु उपस्थित थिए ।