चैत ३ ,चितवन र छिमेकी जिल्लाहरुबाट भरतपुर अस्पतालमा उपचार गराउन आउने मध्ये ४९ जनामा स्वाइन फ्लु प्रमाणित भएको छ । पछिल्लो पटक २२ जना थपिएपछि यो सङख्या ४९ पुगेको हो । थपिएका मध्ये १२ पुरुष र १० जना महिला रहेका छन् । जिल्ला जनस्वास्थ्य कार्यालय चितवनका किट नियन्त्रक राम केसीका अनुसार स्वाइन फ्लु प्रमाणित भएकामा चितवन, नवलपरासी, गोरखा, तनहुँ, रुपन्देही र पर्सा जिल्लाका रहेका छन् । चितवनमा गतवर्ष ११ र अघिल्लो वर्ष १० जनामा स्वाइन फ्लु प्रमाणित भएको थियो ।