फेरि भद्रगोल हुने

चैत १६।  केहि समय देखि नेपाल टेलिभिजनबाट प्रशारण रोकिएको ‘भद्रगोल’ चैत्रको अन्तिम साताबाट फेरि प्रशारणमा आउने भएको  छ । यो चर्चित सिरियल प्रशारणका लागि मिडिया हबले नेपाल टेलिभिजनमा टेन्डर पारेपछि यो  सिरियल पुन. प्रसारणमा आउनेभएको हो । यो सिरियल पहिलेकै समयमा प्रशारण हुनेछ।  ‘भद्रगोल’का लागि  मिडिया हबले नेपाल टेलिभिजनलाई   १ लाख ८७ हजार ७७० रुपैयाँ वुझाउनेछ । यसै गरि अर्को पनि रोकिएको सिरियल जिरे खुर्सानीका लागि मिडिया हबले २ लाख १७ हजार ७ सय ७७ रुपैयाँ हप्तामा नेपाल टेलिभिजनलाई वुझाउने  छ । ‘जिरे खुर्सानी’ प्रोडक्शनका लागि १ लाख ४५ हजार रुपैयाँ मिडिया हबले एक सातामा खर्च गर्दै आएको छ भने ‘भद्रगोल’का लागि ८० हजार खर्च गर्दै आएकोमा वल्र्ड भिजन एड्भर्टाइजिङले टेन्डर पारेर विभिन्न टेलिभिजन कार्यक्रममा लागि सिद्धार्थ बैंकमा राखेको ५ करोडको धरौटी रकम नक्कली भएपछि यी   सिरियलको  प्रशारण रोकिएको थियो ।