कागेश्वरी मनहरामा एमाले विजयी, कार्कीलाई अन्तिम समयमा धोका

काठमाडौं, जेठ ८ – काठमाडौंको कागेश्वरी मनहरा नगरपालिकाको मेयर र उपमेयर एमालेका उम्मेद्वार विजयी भएका छन् । केही बेरअघि सकिएको मतगणना अनुसार एमालेका कृष्णहरि थापाले नेपाली कांग्रेसका क्षेत्रीय सभापति समेत रहनुभएका उपेन्द्र कार्कीलाई पराजित गर्नुभएको हो । मतगणनाको सुरुदेखि नै अग्रता कामय गर्दै आउनुभएका कार्कीलाई अन्तिम समयमा पराजित हुनुभएको हो । उपमेयरमा पनि एमाले उम्मेद्वार विन्दु सिंखडा निर्वाचित हुनुभएको छ । थापाले ८ हजार ९ सय ६९ मत ल्याउनुभएको छ भने प्रतिद्धन्दी कार्कीले ८ हजार ४ सय ८७ मत पाउनुभएको छ ।

एमालेले १, ३, ५, ६, ८ र ९ वडाका वडा अध्यक्षसहित सबै प्यानल जितेको छ भने कांग्रेसले २, ४ र ७ वडामा विजयी भएको छ । योसँगै मत परिणाम सार्वजनिक भएका काठमाडौंका ९ नगरपालिकामा मध्ये पाँच वटामा एमाले, ४ वटामा कांग्रेस विजयी भएको छ । मतगणना भइरहेको काठमाडौं महानगरपालिका र बुढानिलकण्ठ नगरपालिकामा पनि अहिलेसम्म एमाले अघि छ ।

http://ift.tt/eA8V8J