कलाकार रवि डंगोल ‘सुकु’ पक्राउ

कलाकार रवि डंगोल ‘सुकु’ पक्राउ परेका छन् । आफ्नो पसलमा म्याद गुज्रेको समान बेच्न राखेको, गुणस्तरहिन समान बेचेको आरोपमा उनलाई उनकै पसलबाट पक्राउ गरिएको हो । तर उनी साँच्चै पक्राउ परेका भने होईनन् ।

शुभ मिडिया होमको प्रस्तुतीमा निर्माण भएको टेलिचलचित्र ‘कर्मको फल’मा उनी यस्तो आरोपमा पक्राउ परेका हुन् । उनी टेलिचलचित्रमा एक कालोबजारी गर्ने ब्यापारीको भुमिकामा देखिएका छन् भने कलाकार रमेश बुढाथोकी भने सम्पूर्ण प्रक्रिया पुरा गरी ब्यापार गर्ने ब्यापारीको भुमिकामा देखिएका छन् । टेलिचलचित्रमा नियमसंगत ब्यापार गर्ने र कालोबजारी गरी नियम बिपरित ब्यापार गर्नेबिचको फरकलाई देखाईएको छ । कस्तो काम गर्यो भने कस्तो फल पाईन्छ भन्ने कुरा पनि टेलिचलचित्रमा देखाईएको छ ।

सरोज ओलीद्धारा निर्देशित चलचित्रमा रबि र रमेशका साथसाथै गौरी मल्ल, मञ्जु श्रेष्ठ, शिवहरी आचार्य, नीरज नेपाल, कमल नेपाल, बिष्णु बुढाथोकी, मुकुन्द आचार्य लगायतका कलाकारहरुको अभिनय रहेको छ । हेरौँ उक्त टेलिचलचित्र

http://ift.tt/eA8V8J