सिरहा,बैशाख २८ – सिरहाको लहानस्थित सगरमाथा अञ्चल यातायात कार्यालयमा बम विस्फोट भएको छ । यातायात कार्यालयको दोस्रो तलामा बिहीबार बम विस्फोट भएको जनाइएको छ । विस्फोटमा परेर केही सेवाग्राही र कार्यालयका कर्मचारी घाइते भएका जनाइएको छ । विष्फोटबाट मानवीय क्षति भने भएको छैन ।
विस्फोटले माथिल्लो तलामा रहेको कार्यालय प्रमुख ओमकार प्रसाद न्यौपानेको कार्यकक्षसंगै टासिएको शौचालयमा सो विस्फोट भएको हो । बम विस्फोटबाट भवनको पाँचवटा कोठाका भित्ता चर्किएका छन् भने झ्यालका शिशा फुटेको छ । घटना कसले गराएको हो भन्नेवारे प्रहरीले अनुसन्धान गरिरहेको इलाका प्रहरी लहानका प्रहरी नायब उपरिक्षक हिरा बहादुर पाण्डेय बताए । विस्फोट पछि कर्मचारी तथा सेवाग्राही भवन बाहिर बसेका छन भने कार्यलयको काम प्रभावित बनेको छ ।
http://ift.tt/eA8V8J
Post a Comment
Thanks.