भ्यालेन्टाइनको दिनमा नीलम ढुंगानाले यसरी पोखिन् मनको वेदना एक पटक पढ्नुहोला,

काठमाडौ। हालैमा सम्बन्ध विच्छेद भएको निलम ढुंगानाले आफ्नो फेसबुक वालमा मनछुने शब्दहरू पोखेकि छिन । हेर्नुस यस्ता छन उनका वेदनाका शब्दहरु:

जिन्दगीमा घटेका कतिपय कुराहरु शब्दहरुमा बयान गर्न सकिँदैन रहेछ, आफ्नो बारेमा आएका समाचारहरु पढेर आफै दुखी हुनु सिवाय केही गर्न नसकीने रहेछ । जुन सम्बन्धमा रहेर मैले मेरा जिन्दगीका अमुल्य दश वर्ष विताएँ सुख र दुखहरु अनुभव गरेँ, जिन्दगीलाई नजिकबाट बुझेँ त्यस्तो सम्बन्ध जुनसुकै कारणबाट भएपनि गुमाउनु पर्दाको पिडालाई म शब्दमा उतार्न सक्तिन ।

अवस्था भयावह नभइकन काखमा ६ महिनाकी सानी बच्ची हुँदा यस्तो निर्णय लिन कसरी सम्भव होला र ! मध्यम किसीमका समस्याहरु मात्र पर्दैमा यस्ता गम्भीर निर्णयहरु कसैले पनि लिनु हुँदैन ! तर सद्भाव, विस्वास र सम्मानको अभाव हुनु, आपसी सद्भाव विथोलिनु, विश्वास टुट्नु र सम्मानको अभाव हुनु जस्ता अवस्थाहरु सृजना हुँदै गएपछी आत्मसम्मानको क्षयिकरण हुने रहेछ र आत्मसम्मानको क्षय हुँदा खेरिको जस्तो कठिन कुनै क्षण नहुने रहेछ ।

त्यसैले अब साथ नरहने निर्णय नै लिइसके पछि पनि मेरो छोरीको बाबा भएको नाताले मैले वहाँ प्रति कुनै दुराभाव ब्यक्त गर्न सक्दिन । मलाई मातृत्वको अनुपम अनुभव गराउने मेरो नानीको पिता प्रति मेरो अत्यन्तै ठुलो सम्मान छ र मैले वहाँ प्रति गर्ने सम्मान सधैं उस्तै रहिरहनेछ । जति मन मुटावहरु भए त्यो साथमा रहुन्जेल भए, साथ छुटेपछी एकले अर्कोलाई उचित र सम्मानित ब्यवहार गर्नुपर्छ भन्ने कुरा म बुझ्दछु र त्यही अनुसार आशा पनि गर्दछु । मेरा शुभचिन्तकहरुले सामाजीक संजालमा मेरो लागि धेरै चिन्ता ब्यक्त गर्नुभएको छ, यहाँहरुको म प्रतिको सद्भावले म द्रविभुत भएकी छु ।

यो अवस्थामा आएका सबै म्यासेजहरुको जवाफ दिनसक्ने अवस्थामा छैन र मैले आफु ‘कमजोर छु’ भनेर कहिँ कतैबाट सहानुभुती बटुल्ने कोसीस पनि गर्ने छैन । जुन बिन्दुबाट हाम्रो बाटो अलग्गीएको छ त्यहींबाट आफैले आफु र बच्चाको भविष्यको लागी केही थप संघर्षहरु सुरु गर्नेछु। आउने दिनहरु जस्तासुकै भएपनि म मेरो अतितलाई सकेसम्म सम्मान गर्नेछु।

मेरो लागी परिस्थीती अत्यन्तै जटिल भएपनि म कत्ती पनि विचलित हुन नपरोस्, हजुरहरु मलाई आशीर्वाद दिनुहोला । बाँकी कुरा संघर्ष गर्दै जाँदा जिन्दगीले सबै ठिक बनाउदै लैजाला भन्ने आशा गर्दछु।
र आजै पर्न गएको प्रेम दिवशको उपलक्षमा यहाँहरु सबैको प्रेम अजर अमर रहोस भन्ने शुभेच्छा समेत ब्यक्त गर्न चाहन्छु।

The post भ्यालेन्टाइनको दिनमा नीलम ढुंगानाले यसरी पोखिन् मनको वेदना एक पटक पढ्नुहोला, appeared first on Taja nepali news.

http://ift.tt/2BvRHpX