उदयपुर बम विस्फोटमा परेकी नेविसंघकी जिल्ला अध्यक्ष मिरा कटुवालको खुट्टा काटियो

काठमाडौं, १४ मंसिर । उदयपुरको उदयपुरगढी गाउँपालिका–६ को दनुवारवेसीमा बुधबार बम विस्फोटमा घाइते भएकी मिरा कटुवालको खुट्टा काटिएको छ । उनी उदयपुर नेविसंघकी अध्यक्ष हुन् ।

विस्फोटमा परेका उदयपुर २ का कांग्रेस प्रतिनिधिसभा उम्मेदवार नारायण कार्कीको दाहिने हात कामै नलाग्ने भएको छ । उनीहरूको महाराजगन्जस्थित त्रिवि शिक्षण अस्पतालमा उपचार भइरहेको छ ।

प्रधानमन्त्री शेरबहादुर देउवा बिहीबार त्रिवि शिक्षण अस्पताल महाराजगञ्जमा पुगेर बम विस्फोटमा घाइते भई उपचार गराइरहेकाहरूको स्वास्थ्य अवस्थाबारे जानकारी लिएका थिए । प्रधानमन्त्री देउवाले विद्यार्थी नेता कटुवालले एउटा खुट्टा गुमाउनुपरेकोमा दुःख व्यक्त गरेका थिए ।

The post उदयपुर बम विस्फोटमा परेकी नेविसंघकी जिल्ला अध्यक्ष मिरा कटुवालको खुट्टा काटियो appeared first on Taja nepali news.

http://ift.tt/eA8V8J