२७ जेठ, काठमाडौं । राष्ट्रिय जनता पार्टी नेपालले फेरि चुनाव सार्न प्रस्ताव गरेको छ । प्रधानमन्त्री शेरबहादुर देउवाको आव्हनमा आज सिंहदरबारमा बसेको बैठकमा राजपाका नेताहरुले यस्तो प्रस्ताव गरेका हुन् ।
उनीहरुले आफ्ना माग सम्बोधन गरेर मात्रै चुनावमा जान गरेको आग्रहलाई सत्तारुढ दलले अस्वीकार गरेका छन् । बैठकपछि पत्रकारहरुसँग कुराकानी गर्दै माओवादी केन्द्रका नेता नारायणकाजी श्रेष्ठले चुनावको मिति कुनै हालतमा सार्न नसकिन स्पष्ट पारे ।
‘राजपाले चुनावको लागि राजनैतिक मुद्दा सम्बोधन हुनु पर्ने र त्यसका लागि चुनावको मिति पुनःसार्ने प्रस्ताब राख्यो, हामीले त्यसलाई अस्विकार गर्याै, प्रकाशले भने । बैठकमा सत्तारुढ नेताहरुले चुनाव पछि संविधान संसोधन हुने भन्दै चुनावमा भाग लिन आग्रह गरेका थिए ।
तर राजपका नेताहरुले बैठकमा पुरानै अडान दोहोर्याएका थिए । बैठकपछि कुरा गर्दै राजपाका नेता शरदसिंह भण्डारीले आफूहरुले चुनाव अघि माग पूरा नभए चुनावमा सहभागी हुन नसकिने बताएको जानकारी दिए । सरकारले राजपाका लागि भन्दै पटक पटक चुनावको मिति सारेपनि अन्ततः राजपाले चुनावमा भाग नलिने बताएको हो ।
http://ift.tt/eA8V8J
Post a Comment
Thanks.