काठमाडौं, १४ असार — चीनको सिचुआन प्रान्तमा रहेको नेइजिङमा बस्ने एक दुई वर्षीया बालिकाका पिताले उनलाई चिहानमा गाड्न तयार पारेको तस्वीर सामाजिक सञ्जालमा शेयर गरेपछि जनताले आर्थिक सहयोग गरेका छन् ।
झाङ सिनलेई थालास्सेमिया नामक प्राणघातक रोगबाट पीडित छिन् र उनलाई पितासँगै दिनदिनै चिहानमा राखिने गरिन्छ । मिडियामा आएको रिपोर्टअनुसार पिताले बच्चीलाई चिहानमा दिनदिनै खेल्न र आराम गर्नका लागि ल्याउने गरेका छन् ।
मृत्युको तयारीस्वरूप यसो गरिएको पिता बताउँछन् ।
उक्त परिवारले झाङको उपचारका लागि करीब २० हजार ६०० डलर खर्च गरेपनि ठीक नभएको र उपचार खर्च उठाउन नसकेको बताएको छ ।
यो हृदयविदारक कथा चिनियाँ सामाजिक सञ्जालमा भाइरल भएको थियो र अखबारको हेडलाइन पनि बनेको थियो ।
झाङकी आमा देङ मिनले डोनेसनका लागि अनुरोध गरेकी छन् ।
जनताले बच्चीप्रति सहानुभूति देखाएपनि धेरैले आमाबुवाको व्यवहारको भने आलोचना गरे र बच्चीको मानसिक स्वास्थ्यमा क्षति पु–याएको आरोप लगाए ।
थालास्सेमिया वंशाणुगत रूपमा सर्ने रगतसम्बन्धी रोग हो । जन्मअघि नै यसको पहिचान हुनसक्ने भएपनि चीनका गाउँलेहरूलाई यसको परीक्षणका बारेमा जानकारी छैन ।
पिपुल्स डेली चाइनाबाट
भिडियो हेर्नुहोस
Post a Comment
Thanks.