सिलगुडीमा गोर्खाल्याण्डको विरोध

एजेन्सी। दार्जिलिङमा दुई सातादेखि गोर्खाल्याण्डको मागसहित आन्दोलन चलिरहेका बेला सिलगुडीमा यसको विरोध भएको छ । पहाडी क्षेत्रलाई बंगालबाट अलग गर्न खोजिएको भन्दै यहाँका बंगाली युवाहरुले विरोध सुरु गरेका हुन् । हजारौंको संख्यामा युवा युवती प्रदर्शनमा सहभागी थिए ।

उनीहरुले हृदय आमार आमार बांग्ला, तार भागन मेने नेबो ना, रक्त दिये नेभाबो आगुन, टुकरो होते देबो ना लेखिएको ब्यानरसहित र्याली गरेका थिए । यसको लागि शनिबारदेखि नै सोसल मिडियामार्फत प्रचार गरिएको थियो ।

कडा सुरक्षाका बीच प्रदर्शनकारीहरुले सहरका मुख्य मुख्य भागहरु परिक्रमा गरे । उनीहरु सिलिगुडी जंक्सनतर्फ जान लाग्दा प्रहरीले नदिएपछि पौने घण्टा तनाव भएको थियो ।

http://ift.tt/eA8V8J