रामजी लामिछानेको निर्देशनमा बनेको सिनेमा ‘रुद्र’को आधिकारिक ट्रेलर सार्वजनिक भएको छ । साउन १३ देखि प्रदर्शनमा आउन लागेको यो सिनेमामा निखिल उप्रेती पहिलो पटक खलनायकको भूमिकामा देखा परेका छन् । सिनेमाको ट्रेलर हेर्दा धेरैलाई साउथ ईण्डियन सिनेमाको झल्को आएको छ । सिनेमामा समावेश एक्शन सिनहरु दक्षिण भारतीय सिनेमाहरुसँग मेल खाएको प्रतिक्रिया धेरैले दिन भ्याएका छन् ।
‘रुद्र’मार्फत दुई नयाँ कलाकार सारा र विश्व शर्माले सिने नगरीमा प्रवेश गर्दैछन् । सिनेमामा अभिनेत्री सारा र विश्व शर्मा एकअर्काको अपोजिटमा छन् । उनीहरुको प्रेमको विरोधमा अभिनेता निखिल उप्रेती देखा परेका छन् । यो सिनेमामा वितरक गोपाल कायस्थको अभिनय पनि दर्शकले देख्न पाउनेछन् । ट्रेलरमा पनि उनको एक झलक देखाईएको छ । ‘रुद्र’लाई कल्पना कुमारी कटुवाल, भक्त प्रसाद शर्माले निर्माण गरेका हुन् ।
–
Post a Comment
Thanks.