पूर्व युवराज्ञी हिमानी दमौलीमा

पूर्व युवराज्ञी हिमानी शाह बिहीबार दमौलीस्थति व्यास गुफामा आएकी छिन् । नेपाल ठकुरी समाज तनहुँको निमन्त्रणामा उनि दमौली आएकी हुन् ।

चार वेद अठार पुराणका रचयिता महर्षि वेदव्यासको जन्मस्थल दमौलीमा रहेको पवित्र धार्मिक स्थल, व्यास गुफाको अवलोकनका लागि पूर्व युवराज्ञी शाह दमौली आएकी हुन् । पूर्व युवराज्ञी शाहले व्यास गुफामा पूजा अर्चना समेत गरेकी थिइन् ।

पूर्वराज्ञी शाह व्यास गुफा परिसरमा सञ्चालन भइरहेको १८ महिने अखण्ड हरिकिर्तन स्थलमा समेत सहभागी भइन् । पूर्व युवराज्ञी हिमानीको साथमा उनका छोरा हृदयेन्द्र, छोरीहरु प्रेरणा र करुणा पनि सहभागी थिए ।

पूर्व युवराज्ञीको स्वागतका लागि स्थानियहरु फूलमाला सहित उपस्थित भएका थिए । उनि करिव ४० मिनेटको समय पश्चात फर्किएकी थिइन । source:oedml

http://ift.tt/eA8V8J