प्रियंकाले अवार्ड पाउँदा आयुष्मानले जुरुक्कै बोकेर ओठमा चुम्बन गरेपछि..

नायिका प्रियंका कार्कीले काठमाण्डौको हायात होटलमा आयोजित ‘पाँचौ एनएफडीसी राष्ट्रिय चलचित्र पुरस्कार’मा चलचित्र ‘छक्का पन्जा’बाट ‘उत्कृष्ट अभिनेत्री’को अवार्ड पाइन् । अवार्ड पाएपछि उनी खुशी हुँदै आफ्ना प्रेमी आयुष्मान देशराज बसेको स्थानमा पुगिन् । जहाँ, आयुष्मानकी आमा रविना देशराज, भाई आशिरमान देशराज पहिलेदेखि नै बसेका थिए ।

प्रियंका पनि देशराज परिवारसँग बसिरहेकी थिइन् । अवार्ड लिएर स्टेजबाट झरेकी प्रियंकालाई प्रेमी आयुष्मानले बधाई दिदै अंकमाल गरे । तर, सायद उनलाई खुशी अझै साट्न मन लागेछ क्यारे ।
उनले प्रियंकालाई जुरुक्कै बोके र उनको ओठमा चुम्बन गरे । आयुष्मानले प्रियंकालाई बोकेर ओठमा चुम्बन गरेको दृश्य निकै रोचक थियो । यसपछि, यो जोडी हलबाट बाहिर निस्कियो र फ्यानहरुसँग तस्बिर खिचाउनमा व्यस्त देखियो ।

प्रियंका मेरी प्रेमिकाः आयुष्मान
कार्कीले ‘उत्कृष्ट अभिनेत्री’को अवार्ड पाउनु अगाडि आयुष्मानले ‘उत्कृष्ट नव–अभिनेता’को विधामा पुरस्कार जितेका थिए । अवार्ड पाएपछि उनले स्टेजबाटै नायिका कार्कीलाई आफ्नो प्रेमिकाको रुपमा परिचित गराएका थिए ।

प्रियंका र आयुष्मान प्रेममा रहेको खबर अनलाइनखबरले सबैभन्दा पहिला सार्वजनिक गरेको थियो । तर, सार्वजनिकरुपमा पहिलो पटक यी दुइले आफूहरुको प्रेम स्विकार गरेका हुन् । तस्बिरः कमल प्रसाई

http://ift.tt/eA8V8J