काठमाडौं, ६ असार – सरकारले कैलाली घटनाका ‘मुख्य अभियुक्त’ भनिएका रेशम चौधरीको परिवारलाई क्षतिपूर्ति दिएपछि अहिले अहिले देशभरबाट आलोचना भइरहेको छ ।
सरकारले उनको परिवारलाई १ करोड ७४ लाख क्षतिपूर्ति दिएको छ । टीकापुर घटनाको भोलिपल्ट ०७२ भदौ ८ गते भएको आगजनीका पीडितलाई राहत दिने क्रममा सरकारले चौधरीलाई सबैभन्दा बढी रकम उपलब्ध गराएको हो ।
रेशम अहिले भारतमा बस्दै आएका छन् । रेशमका बुवाले सरकारले दिएको उक्त रकम बुझेका छन् ।
यसैबीच, रेशमले सामाजिक सञ्जाल फेसबुकमा लेख्दै आफ्नो विरुद्ध खनिएकाहरुप्रति आक्रोश प्रकट गरेका छन् । उनले टिकापुर घटनाको क्रममा फुलवारी रिसोर्ट, एफएम र जलेका तस्वीरहरु हेर्न आलोचहरुलाई आग्रह गरेका छन् ।
सरकारबाट पाएको रुकम पुरस्कार स्वरुप नभइ क्षतिपूर्ति स्वरुप पाएको उनले बताएका छन् । यस्तो सन्देश लेखेका उनले सामाजिक सञ्जालमै केही तस्वीरहरु समेत राखेका छन् ।
प्रहरी वरिष्ठ उपरीक्षक लक्ष्मण न्यौपाने, केशव बोहरा र बलराम विष्ट गरी दुईजना प्रहरी निरीक्षकसहित ८ सुरक्षाकर्मी र एक दूधे बालकको कैलाली घटनामा हत्या भएको थियो ।
भोलिपल्ट उत्तेजित भीडले रेशम चौधरीको फूलबारी एफएम, फूलबारी कटेज र एउटा मोटरसाइकलमा आगजनी गरेको थियो ।
रेशमका बुबा लालवीर चौधरीले शुक्रबार क्षतिपूर्तिबापतको रकम बुझेका हुन् । साभार : लोकान्तर
http://ift.tt/2tEmB8I
Post a Comment
Thanks.