सरकारले प्रदेश नम्बर २ को चुनाव असोजमा गर्ने तयारी गरे लगत्तै निर्वाचन आयोगकले दियो यस्तो चेतावनी

काठमाडौं । सरकारले प्रदेश नम्बर २ को चुनाव तेस्रो चरणमा गराउने निर्णय गरेपनि निर्वाचन आयोगले मानेको छैन । आयोगले चुनाव सारे पोलिटिकल इलेक्ट्रोरल डिजास्टर’ हुने चेतावनी दिइरहेका बेला आयोगको असहमतिका बीच सरकारले प्रदेश नम्बर २ मा असोज २ गते तेस्रो चरणमा निर्वाचन गर्ने जनाएको छ ।

बाँकी तीन वटा प्रदेश १, ५ र ७ मा भने पूर्व घोषित मिति असार १४ मै चुनाव हुने बताइएको छ । यद्यपी सरकारले चुनावको मिति सार्दा समेत आन्दोलनमा उत्रिएको राष्ट्रिय जनता पार्टीले चुनावमा आउने सुनिश्चित गरेको छैन ।

केहीबेर अघि सिंहदरबारमा बसेको सत्तारुढ कांग्रेस, माओवादी र राष्ट्रिय जनता पार्टीका शीर्ष नेताहरुको बैठकमा प्रदेश नम्बर २ को चुनाव सार्ने सहमति भएको हो । आज नै प्रधानमन्त्री शेरबहादुर देउवा सहित शीर्ष दलका नेताहरुले निर्वाचन सार्ने विषयमा निर्वाचन आयोगका पदाधिकारीहरुसँग परामर्श गरेका थिए ।

http://ift.tt/eA8V8J