काठमाडौं – १० वर्षे बैबाहिक सम्बन्ध टुङ्गाएर नायिका रेखा थापा अहिले एक्लो जीवनको रथ हाकिरहेकी छिन् भने नायक आर्यन सिग्देल श्रीमति सपना भण्डारीसँग बैबाहिक सम्बन्धको डोरीलाई अझ कसिलो बनाउँदैछन् । यस्तैमा नायक आर्यनले नायिका रेखा थापाको सिउँदो सिन्दुरले भरिदिएका छन् । के आर्यनले दोस्रो विवाह गरेका हुन् ? कतै सपनालाई धोका दिएर आर्यनले रेखासँग विवाह गरेका त होइनन् ? तपाईको मनमा सायद यी कुराहरु उब्जिरहेका होलान् । धेरैले त अनुमान पनि लगाइसक्नु भयो होला कि आर्यनले रेखाको सिउँदो रियलमा भरेका होइनन् । हो, आर्यनले श्रीमति सपना भण्डारीलाई धोका दिएर रियलमै नायिका रेखा थापालाई आफ्नी दुलही बनेका होइनन् ।
सात वर्षपछि पानीबाराबारको सम्बन्धलाई चोखो बनाएर अहिले एउटै अंगालोमा बाँधिदै नायक आर्यन सिग्देल र नायिका रेखा थापा फिल्म ‘रुद्र प्रिया’ मा रोमान्स गरिरहेका छन् । बन्दीपूरमा छायांकन भैरहेको फिल्म ‘रुद्र प्रिया’ को एक सिनमा नायक आर्यन सिग्देलले नायिका रेखा थापाको सिउँदो भरेका हुन् । अहिले यो तश्वीर सामाजिक सञ्जालमा खुबै भाइरल बनिरहेको छ । लगातार खस्कदै गएको आफ्नो स्टारडम जोगाउनका लागि पनि रेखा र आर्यन सात वर्षपछि एउटै फिल्ममा काम गरेको चर्चाले अहिले सिनेवृतमा छुट्टै रौनकता ल्याएको छ । ४० दिनसम्म खिचिने यो फिल्मको छायांकन बन्दीपूर, पोखरा, जिरी लगायतका स्थानहरुमा हुनेछ । फिल्मका गीतमा अर्जुन पोख्रेल, राजनराज सिवाकोटी र सुरेश अधिकारीको संगीत रहेको छ भने कविराज गहतराजको कोरियोग्राफी रहनेछ ।
‘रुद्र प्रिया’ का निर्देशक ‘माला’ फिल्मका निर्देशक सुदीप भूपाल सिंह हुन् । आमा सरस्वती थापा निर्माता रहेको फिल्म ‘रुद्र प्रिया’ मा रमेश पौडेलले लगानीमा रेखाले पनि साथ दिएकी छिन् । ‘रुद्र प्रिया’ पनि नारीप्रधान फिल्म हुने रेखाले जनाएकी छन् । फिल्मका सिनेम्याट्रोग्राफर सञ्जय लामा हुन् । फिल्मको रिलिज कार्तिक २ गते लक्ष्मी पुजालाई लक गरिएको छ ।
फिल्मीखबरबाट
Post a Comment
Thanks.