बर्दिया : बर्दिया नगरपालिका वडा नम्बर ३ बबई खोलास्थित कुस्माघाटको झोलुङ्गे पुलमुनि वेवारिशे शिसु भेटिएको छ । गस्तीमा रहेको प्रहरी टोलीले आईतवार राती साढे ८ बजे पुलमुनी राखिएको अवस्थामा जिवित वालिका फेला पारेको जिल्ला प्रहरी कार्यालय बर्दियाका प्रहरी नायव उपरिक्षक युवराज खड्काले वताउनु भयो ।
बानियाभार गाउँ जाने सडकखण्ड अन्र्तगत झोलुङ्गे पुलमुनी अलपत्र अवस्थामा फेला पारिएको वालिकालाई प्रहरीले तत्काल स्थानीय स्वयंसेविका मार्फत जिल्ला अस्पताल बर्दियामा पुर्याईएको उहाँले वताउनु भयो । कसले किन वच्चालाई पुलमुनी राखेको भन्ने बारेमा कुनै जानकारी नआएपनि त्यसबारे अनुसन्धान भैरहेको प्रहरीले जनाएको छ ।
बालिकाको गालामा घाँस लगायत वालुवाले कोतरे पनि स्वस्थ रहेको जिल्ला अस्पताल बर्दियाकी लैगिक हिँसा सम्वन्धि एकद्वारसंकट व्यवस्थापन केन्द्रकी मनोविमर्शकर्ता (स्टाफनर्श) एलिना खड्काले वताउनु भयो । आमा सुरक्षा कार्यक्रमको कपडा सहित शिसु भेटिएकाले वालिका अस्पतालमै जन्मिएको हुनसक्ने उहाँको भनाई छ ।वच्चाको प्रकृति हेर्दा जन्मेकै दिन फालिएको हुनसक्छ । उहाँले थप्नुभयो ‘नाभी झरेको छैन ।’ वालिकालाई अस्पतालले वोतल मार्फत दुग्धपान गराई रहेको छ । वच्चाको स्वास्थ्य अवस्था खतरा वाहिर रहेको चिकित्सकले जनाएका छन् ।
शिशु स्वस्थ रहेकाले यदि कसैले पाल्ने भए प्रकृया पुर्याएर लैजान सक्ने महिला तथा वाललालिका कार्यालय बर्दियाकी महिला विकास अधिकृत गिरा कुमारी वस्नेतले वताउनु भयो । उहाँले भन्नु भयो ‘कसैले वच्चा वच्ची पाल्ने मनसाय वनाएका हुन्छन् यदि कतै त्यस्तो छ भने स्वस्थ वच्चा भएकाले कानून सम्मत लगेर पाल्न सक्नुहुन्छ ।’
वेवारिशे वालवालिकालाई सुरक्षित पालनपोषण गर्ने गृह बर्दियामा नभएकाले समस्या रहेको अधिकृत वस्नेतको भनाई छ । बालिकाको जीवन रक्षाका लागि भएपनि कसैले लगेर सन्तानका रुपमा पालन पोषण गरे ठूलो धर्म हुने उहाँले वताउनु भयो ।
साभार-अन्नपूर्ण पोष्ट बाट
Post a Comment
Thanks.