काठमाडौं — संसारमा सात आश्चर्य छन् भन्ने कुरा त तपाईंले सुन्नुभएकै होला । तर आठौं आश्चर्य पनि छ है ।
धेरै वर्षको अनुसन्धानपछि शोधकर्ताहरूले आठौं आश्चर्य भएको ठाउँ पत्ता लगाएका छन् ।
न्युजिल्यान्डको उत्तरी टापुमा रहेको रोटोमेहाना ताल र सेता भ–याङहरू १९औं शताब्दीमा पर्यटको आकर्षणका केन्द्र थिए । टाढाटाढाबाट मानिसहरू यसलाई हेर्न आउँथे ।
यी सिँढीहरू सिलिका र तलछटका सबभन्दा ठूला भण्डार भएको मानिन्थ्यो । सन् १८८६ मा यहाँ एक ज्वालामुखी विस्फोट भएपछि यी सिँढीहरू बर्बाद भएको मानिसले अनुमान गरेका थिए ।
कुनै पनि सरकारी सर्वेक्षणमा यसलाई दर्ता गरिएन । कुन अक्षांश र देशान्तरमा यी सिँढीहरू रहेका छन् भन्ने पनि थाहा हुन सकेको थिएन ।
तर सन् २०१० मा स्विट्जरल्यान्डमा एक भूवैज्ञानिकका डायरी भेटिए । त्यही डायरीको सहायताले रोटेमेहाना तालको विश्वविख्यात सिँढीहरूको ठेगाना पत्ता लाग्यो ।
शोधकर्ताहरूका अनुसार ज्वालामुखी विस्फोटका कारण रोटेमेहाना तालका भ–याङहरू खरानीले ढाकिएका थिए र यी सिँढीहरू तालनजिकैको जमीनमा सतहभन्दा करीब १० मिटर गहिराइमा अवस्थित छन् ।
लोकान्तार बाट लिएको
http://ift.tt/eA8V8J
Post a Comment
Thanks.