काठमाडौं, ६ असार — भारतको बेंगलुरुस्थित ट्रिनिटी सर्कलमा शनिवार राष्ट्रपतिको सवारी चलिरहेका बेलामा एम्बुलेन्सका लागि बाटो खोलेर एक ट्राफिक प्रहरी अधिकृतले सर्वसाधारणको मन जितेका छन् ।
बेंगलुरु प्रहरीले ट्राफिक प्रहरी एमएल निजलिंगप्पालाई यसबापत पुरस्कारको घोषणा गरेको छ । राष्ट्रपति प्रणव मुखर्जीले मेट्रो ग्रीन लाइनको उद्घाटन गर्नका लागि जाँदै गर्दा भीड भएको ठाउँमा पुग्दा एम्बुलेन्स आएको थियो । एम्बुलेन्स देखेपछि निजलिंगप्पाले त्यसलाई पास हुनका लागि राष्ट्रपतिको सवारी रोकेका थिए ।
प्रहरी कमिस्नर प्रवीण सूदले ट्वीट गरे, ‘यस्तो पहलकदमी लिने प्रहरीलाई पुरस्कृत गरिनेछ । गजब ग–यौ ।’ यो ट्वीट पढेपछि निजलिंगप्पालाई प्रशंसा गर्दै सामाजिक सञ्जालमा सन्देशहरू ओइरिएका छन् ।
एजेन्सी
Post a Comment
Thanks.