यी हुन् ब्रिटिश गोर्खामा कार्यरत नेपाली चेली ब्रिटिश आर्मी हरु

नेपाल आएको वेला ‘उता के काम गछ्र्यौ’ भनेर सोध्नेहरूलाई ‘ब्रिटिश आम्र्ड फोर्सेस्मा छु’ भन्दा धेरैले उनलाई ‘लाहुरेनी’ अर्थात् कुनै ब्रिटिश गोर्खा सैनिककी श्रीमती ठान्छन् ।

तर, सन् २००४ देखि ब्रिटिश सेनाको प्यारा रेजिमेण्टमा कार्यरत पविन राई (२९) गोर्खाली होइन गोराहरूको पल्टनमा छिन् । केन्या, साइप्रस र फ्रान्सका बङ्करहरूमा खटिसकेकी उनी दुईपटक त अफगान युद्धमै लडिसकिन्

हङकङमा जन्मेकीले ‘ब्रिटिश ओभरसिज न्यासनल पासपोर्ट’ पाएकी धरान–११ की पविन यही नाताले बेलायती सैनिक सेवामा प्रवेश गरेकी हुन् ।

त्यतिवेला धरानमा भएका उनका भूपू ब्रिटिश गोर्खा बाबु इन्द्रबहादुर र आमा प्रमिलाले ब्रिटिश सेनामा भर्ती भएको कुरा नपत्याएकाले आर्मी सर्टिफिकेट नै पठाउनु परेको उनी रमाइलो मान्दै सम्झ्न्छििन् ।

पविन बेलायती नागरिकसरह ब्रिटिश सेनामा भर्ना हुने पहिलो लटको नेपाली युवती हुन् । अहिले चित्रा श्रेष्ठ, रजनी गुरुङलगायत अरू केही युवती पनि थपिएका छन् ।

ब्रिटिश रक्षा मन्त्रालयले गोर्खा पल्टनमा पनि महिला सैनिक लिने निर्णय गरेको थियो, तर पछि अव्यावहारिक हुने भनेर स्थगित गरेको छ ।

रेजिमेन्टका साथीहरूका साथ पविन र चित्रा श्रेष्ठ (दायाँ), अफगानिस्तान ।
आफूलाई केटाहरू भन्दा कमजोर नठान्ने पविनलाई सानो छँदा प्रहरी निरीक्षक बन्न पाए गजब हुन्थ्यो भन्ने लाग्थ्यो । हरदम फरक काम र पहिचानको ध्याउन्नमा हुने उनी कराँते र फूटबलको राम्रै खेलाडी पनि बनिन् ।

बेलायती सैनिक सेवा यही सोचको नतिजा थियो । भर्तीपछिको कठोर तालिममा देब्रे खुट्टा भाँच्चिएर लामो समय थला परे पनि पविन दुई वर्षमै लान्स कर्पोरलमा बढुवा भइसकेकी छन् ।

सन् २००८ को ‘अफगानिस्तान अपरेशन’ पविनको सैनिक जीवनमा सबैभन्दा पीडादायी हुनपुगेको थियो । त्यसवेला ६ महिना लड्दा आफ्नै युनिटका तीन साथी तालिवानको निशाना बने, यस वर्ष पनि दुई सहकर्मी घर फर्कन पाएनन् ।

अफगानिस्तानबाट हङकङमा दिदीहरूसँग छोटो छुट्टी मनाउन आएकी पविनले हिमाल सँग भनिन्, “सैनिक जीवनमा कति वेला के हुन्छ, अनुमान लगाउनै सकिँदैन ।”

ब्रिटिश आम्र्ड फोर्सेस्मा महिला र पुरुष सैनिकको जिम्मेवारी समान भए पनि पारिवारिक सुविधा महिलाले बढी पाउँछन् । पविनकै कुरा गर्दा, अहिले उनले प्रति महिना ३ हजार पाउण्डको हाराहारीमा तलब बुझिछन् ।

२२ वर्षको नोकरी अवधि पूरा गरेपछि नेपालमै फर्किने उनको विचार छ । भन्छिन्, “काम जहाँ गरे पनि मन त नेपाली नै हो ।”

http://ift.tt/eA8V8J