बाँधको सबै ढोका खोल्न भारत सरकारको निर्देशन

३० साउन, काठमाडौं । उपप्रधान एवं परराष्ट्रमन्त्री कृष्णबहादुर महराले भारतका विदेशमन्त्री सुष्मा स्वराजसँग टेलिफोन वार्ता गरेका छन ।

आइतबार साँझ भएको उक्त टेलिफोन वार्तामा भारतीय विदेशमन्त्री स्वराजले कोशी व्यारेजलगायत अन्य बाँधको ढोका खोल्न भारत सरकारले निर्देशन दिएको जानकारी गराएकी थिइन् ।

नेपालमा बाढीबाट भएको जनधनको क्षतिप्रति दुःख व्यक्त गर्दै उनले विपद्को यस घडीमा भारत सरकारले सक्दो सहयोग गर्ने बताएको उपप्रधानमन्त्रीका प्रेस तथा जनसम्पर्क संयोजक हरि लामिछाने बताए ।

यसअघि बाढीले तराईका जिल्ला जलमग्न भएर जनधनको क्षति हुँदासमेत भारतले चासो देखाएको थिएन ।

नेपालका तराई मधेशका बिभिन्न जिल्लामा अविरल वर्षाका कारण आएको बाढीपहिरो र डुबानका कारण हालसम्म ६६ जनाको मृत्यु भएको छ भने बाढीपहिरोबाट २८ जना घाइते र ५३ जना बेपत्ता रहेका छन् ।

The post बाँधको सबै ढोका खोल्न भारत सरकारको निर्देशन appeared first on Taja nepali news.

http://ift.tt/eA8V8J