अमेरिकालाई आगोको कुवा बनाईदिने उत्तर कोरियाको चेतावनी

एजेन्सी । उत्तर कोरियाले आफूविरुद्ध लगाइएको प्रतिबन्धको परिणाम भोग्न तयार रहन अमेरिकालाई चेतावनी दिएको छ । उत्तर कोरियाको सत्तारुढ राजनीतिक दलको मुखपत्र ‘रोडोंग सिनमन’ मा प्रकाशित सम्पादकीयमा अमेरिकालाई नयाँ प्रतिबन्धको परिणाम भोग्न तयार रहन चेतावनी दिइएको हो ।

सम्पादकीयमा अमेरिकाले उत्तर कोरियालाई परमाणु बम र प्रतिबन्धले डर देखाउने कोशिस गरिरहे अमेरिका कल्पना पनि गर्न नसकिने आगोको कुवामा परिणत हुने चेतावनी दिइएको छ ।

चिनियाँ विदेशमन्त्री वाङ्ग यीले फिलिपिन्सको मनिलामा उत्तर कोरियाली समकक्षी री योङ्ग होसँग छलफल गरेको समाचार प्रकाशमा आइरहँदा उत्तर कोरियाली सत्तारुढ दलको मुखपत्रले यस्तो प्रतिक्रिया जनाएको हो ।

चिनियाँ र उत्तर कोरियाली विदेशमन्त्रीबीच भएको छलफलमा उत्तर कोरियाका तर्फबाट कस्तो प्रतिक्रिया जनाइयो भन्ने प्रष्ट भइसकेको छैन । अन्तरराष्ट्रिय प्रतिबन्धका बाबजुद उत्तर कोरियाले आफ्नो परमाणु कार्यक्रमलाई पछिल्लो समय निरन्तरता दिदैं आएको छ ।

http://ift.tt/eA8V8J