समाचार प्रभाव : कतारमा हराएका छोराको फोन आयो

अम्बिका दाहाल/खोटाङ ।

साउन २२– दुई हप्ता पहिले सूचना केन्द्रमा आएर रुँदै विन्ती गरेकी विमला भट्टराई आइतबार आउँदा भने निक्कै खुसी हुनुहुन्थ्यो । खोटाङको रुपाकोट मझुवागढी नगरपालिका ४ खाल्लेकी बिमला दुई हप्ता पहिले कतारमा हराएको छोरा भोजकुमार खोज्न सहयोगका लागि निवेदन दिन आउनु भएको थियो ।

तर आइतबार उहाँलाई सूचना केन्द्रको कुनै सहयोग चाहिएको थिएन । न त छोरो हराउँदा परेको पीडा नै सुनाउनु थियो । सूचना केन्द्रमा निवेदन दिएपछि छोराले फोन गर्दाको खुसी बाँड्न उहाँ झण्डै एक घण्टा हिंडेर दिक्तेल आइपुग्नु भएको थियो ।

२०७२ सालको भदौमा कतार गएका भोजकुमारले फोन गर्न छाडेको डेढवर्ष भएको थियो । डेढ वर्षसम्म छोराको खबर थाहा नपाउँदा परिवारमा भने अनेक संका उब्जीएका थिए ।

गएको साउन ९ गते सूचना केन्द्रमा आएर बिमलाले छोरो खोजीदिन आग्रह गरेपछि झोलामा फोटो बोकेर भोजकुमार खोज्दै बिमला शिर्षकको समाचार उज्यालो अनलाइनमा प्रकाशन भयो ।

यो समाचार भोजकुमारले पढ्नु भयो र धरानमा भएकी दिदी गंगालाई फोन गर्दै भन्नुभयो । ‘म कतारमा छु, मलाई केहिपनि भएको छैन, किन समाचारमा निकालेको ?’

छोराले समाचार निकालेको भन्दै गुनासो गरेपनि बिमलाको भने खुसीको सिमै थिएन । ‘उसले फोन नगर्दा म कति रात सुतिन, कति छाक भात खाइन होला, आमालाई कति तनाव भएको होला भनेर एक पटक पनि सोचेनछ’ बिमलाले सुनाउनुभयो ।

बिमलालाई फोन आएपछि ढुक्क त भयो तर भेट्ने रहर भने बाँकी नै छ । आमा छोराको भेट नभएको ७ वर्ष पुरा भयो । यसअघि मलेसिया गएर फर्किएका भोजकुमार घर पुग्नु भएको थिएन । काठमाडौंमा एक हप्ता बसेर कतार जानु भएको थियो । बिमलाले घर आएर मात्रै जाउ भन्दापनि साथीले भिसा पठायो, बरु अर्को पटक छिट्टै आउँछु नि भन्नुभएको थियो ।

भिजिट भिसामा गएर काम गर्ने भनेका बिमलले काम पाएँ भनेर फोन गरेपनि छ महिनापछि कुरा हुन पाएन । साउन ९ गते सुरक्षित आप्रवासन परियोजना सामीले खोटाङमा सञ्चालन गरेको सूचना तथा परामर्श केन्द्रमा छोरो खोजीदिन आग्रह गर्दै हिंडेकी बिमला दुई हप्ता पछि भने खुसी बाँडेर हाँस्दै घर फर्किनुभयो ।source: ujyaaloonline

http://ift.tt/eA8V8J
Labels:

Post a Comment

Thanks.

[facebook]

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.