मकैबारीमा नवजात शिशु जीवित अवस्थामा फेला

काठमाडौंस्थित चोभारको मकैबारीमा सोमबार एक नवजात शिशु जीवित अवस्थामा फेला परेको छ । हुप्पील्याण्ड नजिकै रहेको एक मकैबारीमा प्लाष्टिकमा पोको पारेको अवस्थामा नवजात शिशु फेला परेको हो ।

जन्मेको एक दुई दिन भइसकेको जस्तो देखिने बालकलाई चोभारकी स्थानीय ठूलदिदी राईले दिउँसो करिब १ बजेतिर बाटोमा हिँडिरहेका बेला रोइरहेको अवस्थामा फेला पारेकी हुन् ।

महिलाले उक्त नवजात शिशुलाई भेटेपछि महानगरीय प्रहरी वृत्त कीर्तिपुरलाई जानकारी गराएको र पुलिसले नवजात शिशुको स्वास्थ्य परिक्षणका लागि अस्पताल पुर्याएको बताइएको छ ।

तस्बिरः सुरेन्द्र बस्नेतको फेसबुकबाट

http://ift.tt/eA8V8J