स्कुल गएका ६ वर्षीय बालक बेपत्ता, अपहरणको आशंका

काठमाडौं – राजधानीका ६ वर्षीय बालक स्कुलबाटै बेपत्ता भएका छन् । क्षेत्रपाटी, पकनाजोलस्थित सरस्वती बोर्डिङ स्कुलमा पढ्ने ६ वर्षीय विशाल चौधरी बिहीबारदेखि बेपत्ता भएका हुन् । बिहीबार दिउँसो साढे ३ बजे स्कुल छुट्टी भएपछि निस्किएका उनी बेपत्ता भएका हुन् । चौधरी युकेजीमा अध्ययनरत थिए ।

अपहरणको आशंकामा प्रहरीले अनुसन्धान अघि बढाएको छ । उनका बुबा असनमा व्यापार गर्छन् । सिसिटिभी फुटेजका आधारमा प्रहरीले बच्चाको खोजी सुरु गरेको छ । स्कुलको सिसिक्यामरामा एक अपरिचित व्यक्ति बच्चालाई लिन आएको देखिएको छ । तर, दुई दिन बित्दा पनि बालक नभेटिएपछि परिवार चिन्तित बनेका छन् । शनिबारसम्म परिवारलाई कसैले फोनसमेत गरेको छैन ।नयाँ पत्रिकामा खबर छ ।

http://ift.tt/eA8V8J