काठमाडौं, २० असार । सुपरस्टार सलमान खानको बहुप्रतिक्षित फिल्म ‘ट्युबलाइट’ले अपेक्षित व्यापार गर्न सकेन । जसका कारण वितरकले ७५ करोड घाटा व्यहोरेका छन् । ट्युबलाइटले फिल्मको वितरकलाई ठूलो घाटामा पारिदिएको छ । फिल्मको भारतमा वितरणका लागि एनएच स्टुडियोले १ सय ३२ करोड रुपैंयाँमा वितरण अधिकार लिएको थियो ।
फिल्म रिलिजको झण्डै दुई साता बित्न लाग्दा सोचे जस्तो व्यापार नगरेपछि अहिले वितरकलाई टाउको दुखाईको विषय बनेको छ । फिल्मले स्वदेशी बजारमा नै सोचे जस्तो व्यापार नगरे पछि झण्डै ७५करोडको घाटा व्यहोर्नु पर्ने अवस्था आएको छ ।
स्थानीय सिंगल थिएटरका वितरकले पनि घाटा व्यहोर्नु परेपछि उनीहरु मुम्बईमा सलमानलाई हारगुहार गर्न आइपुगेको तर सलमानले उनीहरुको कुरामा चासो नदिएको बताइएको छ । फिल्मले दुई साता पुग्न लाग्दा झण्डै १ सय २५ करोडको व्यापार गरेको छ । यही हिसाब हेर्ने हो भने वितरकले झण्डै ५६ करोड मात्र हातमा पाउनेछन् । एजेन्सी
http://ift.tt/eA8V8J
Post a Comment
Thanks.