काठमाडौँ। बलिउडका चर्चित कलाकार सैयाजि सिन्दे नेपाल आएका छन्। उनी नेपालका चर्चित एक्सन हिरो तथा निर्देशक निखिल उप्रेतीले निर्देशन गरिरहेको नयाँ चलचित्र कमिटमेन्ट(60 hours)को शुटिङका लागि नेपाल आएका हुन् ।
उनको यो पहिलो नेपाल भ्रमण पनि हो। उनले तलेगु, मराठी, हिन्दी, तामिल, कन्नाडा र मलायलम फिल्ममा समेत अभिनय गरेका छन्। यसअघि पनि ‘कमिटमेन्ट’कै शुटिङका लागि बलिउडका चर्चित दुई कलाकार रञ्जित र मुस्ताक खान नेपाल आइसकेका छन्।
चलचित्रमा निखिल उप्रेती मुख्य भूमिकामा देखिनेछन्। चलचित्रलाई बि.के फिल्मसका गोपाल कायस्थले अल नेपाल वितरण गर्नेछन् । गत जेठ २३ गते बाट फ्लोरमा उत्रिएको चलचित्रको अहिले बालाजुमा शुटिङ भइरहेको छ।
यति धेरै बलिउडका चर्चित कलाकारहरुको अभिनय रहने कमिटमेन्ट पहिलो नेपाली चलचित्र हो। चलचित्रको नेपाल, भारत, थाइल्याण्ड, सिंगापुर र अमेरिकामा समेत छांयाकन हुनेछ।
Post a Comment
Thanks.