गणेश राई जो अपाङ्ग जन्मिए, फालिनबाट जोगिए अनि अहिले बने नायव सुब्बा (भिडियो)

काठमाडौं, १० साउन । काठमाडौंको बबरमहलस्थित सहरी विकास तथा भवन निर्माण विभागअन्तर्गत डिभिजन कार्यालयमा कुहिनामुनि दुवै हात नभएका एक युवा भेटिन्छन् । उनको नाम गणेश राई हो । २४ बर्षीय उनका दुवै हात जन्मँदै थिएनन् । जन्तेढुंगा गाउँपालिका–३, खोटाङका उनी कार्यालय प्रमुख वसन्तकुमार राईको पीए हुन् ।

दुवै हात नभएको बच्चा जन्मेको हल्ला भएपछि गाँउकै मानिसहरुले यस्तो बच्चा जन्मनु राम्रो नभएको, बाँचिहाले पनि यस्तो बच्चाले केही गर्न सक्दैन भन्दै फालिदिन उनको परिवारलाई सुझाए । तर, उनकी आमाको मन मानेन् र पालन पोषण गरिन् । उनी पढ्न थाले ।

२०६६ मा दोस्रो श्रेणीमा एसएलसी उत्तीर्ण गरेका उनले चिसापानी उच्च माध्यमिक विद्यालय चिसापानी खोटाङबाट १२ कक्षासम्मको अध्ययन सके । दिक्तेल बहुमुखी क्याम्पसमा स्नातक तह भर्ना भएका उनी बीचमै काठमाडौं आएका हुन् ।

दुवै हात नभएपनि उनी अफिसको काम कम्प्युटरमै गर्छन् । लेख्नै परे पनि औंलाविहीन हातले लेख्न सक्छन् । अफिसका सबै काम उनी सबै गर्न सक्छन् ।

उनी मेहनत र इच्छा शक्ति भए सफल भइने बताउँछन् । करारमा जागिर खाइरहेका उनी लोकसेवाको तयारीमा जुटेका छन् । नायव सुब्बा राईले आफ्नै कमाईबाट तीन भाइलाई काठमाडौंमा पढाइरहेका छन् । उनले भाइहरूलाई लोकसेवा तयारी गर्न लगाउने बताए । उनी खाना पकाउने, लुगा धुने, नुहाउने सबै काम आफै गर्छन् । उनको साहित्यमा पनि रुची छ ।

उनले खोटाङको दिक्तेलमा तीनमहिने आधारभूत र पछि एड्भान्स कम्प्युटर तालिम लिएका छन् । जुन तालिमले अहिले अफिसको काममा सघाएको छ ।

हेर्नुहोस् भिडियो :


भिडियो : दिनेश बोहरा/मिडिया एनपी

http://ift.tt/eA8V8J
Labels:

Post a Comment

Thanks.

[facebook]

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.