काठमाडौं, असार २२— काठमाडौं उपत्यकाका विभिन्न स्थानमा ट्राफिक नियम उल्लंघन गरी सवारी साधन चलाउने २ हजार ७८ जना सवारी चालकहरु कारवाहीमा परेका छन् । ट्राफिक प्रहरीले बुधबार उनीहरुलाई विभिन्न कसुरमा कारवाही गरिएको महानगरीय ट्राफिक प्रहरी महाशाखाले जनाएको छ ।
महाशाखाका अनुसार सबैभन्दा धेरै कारबाहीमा पर्नेमा लेन उल्लंघन गर्ने ५ सय २ जना चालक छन् । त्यस्तै जथाभावी यात्रु चढाउने र ओराल्ने ३ सय ४७ जना, जथाभावी हर्न प्रयोग गर्ने २ सय ४२ जना, सडक तथा फुटपाथमा पार्किङ्ग गर्ने १ सय ४३ जना, सिट बेल्ट प्रयोग नगर्ने १ सय १७ जना, जेब्रा क्रसिङमा सवारी साधन रोक्ने तथा पैदलयात्रुलाई समेत प्राथमिकता नदिने १ सय २ जना र मादक पदार्थ सेवन गरी सवारी साधन चलाउने ६८ जना चालक पनि कार्वाहीमा परेका छन् ।
http://ift.tt/eA8V8J
Post a Comment
Thanks.