हिउँका रोमान्चक कला




महोत्सव तथा मेलाहरु पनि विभिन्न थरीका हुन्छन् । विचित्रताको देश चीनको उत्तरपूर्वी प्रान्त खेलुंग जियांगमा हरेक वर्ष झैँ यो वर्षपनि हिउँ महोत्सव भयो । उक्त महोत्सवमा हिउँबाट बनेका मूर्तिकला तथा विभिन्न कलाकृतीहरु प्रदर्शन गरिए ।
हार्बिन आइस एण्ड स्नो स्कल्पचर फेस्टिबल नामक उक्त महोत्सव जनवरी ५ का दिन सुरु हुनेगर्छ । तापनि यसको तयारी भने निकै अघिदेखि नै गरिन्छ ।
यो महोत्सव सन् १९६३ देखि सुरु भएको हो । बीचमा केही वर्ष स्थगित भएकोमा सन् १९८५ देखि यो नियमित रुपमा हुँदै आएको छ ।
यो पटकको हिउँ महोत्वसको नारा पर्ल अन दी क्राउन अर्थात् ताजको मोती रहेको छ । अनेक प्रकारका कलाकृति तथा मूर्तिहरु यो पटक पनि तयार गरिएका छन् । हिउँ तथा बरफबाटै एक गगनचुम्बनी कलात्मक महल समेत तयार गरिएको छ । यो महल बनाउने काम डिसेम्बर महिनादेखि नै सुरु भएको थियो । बरफलाई मोतीको टुक्राको आकारमा ढाल्नका लागि धेरै मेहेनत गरिएको छ ।
बरफका अनेकथरि आकृति तयार गर्न ठूला ठूला बर्फमा टुक्रालाई क्रेनको सहायताले उठाएर एकमाथि अर्को राखिएको छ । नजिकैको हिमनदीबाट हिउँका कडा टुक्राहरु काटेर ल्याएर त्यसलाई कुँदेर विभिन्न आकृतिहरुमा ढालिन्छ । यो महोत्वसमा विभिन्न देशका टोलीहरुले भाग लिन्छन् ।
रातमा जब हिउँका आकृतिहरुमा रंगीचंगी प्रकाश दिइन्छ तब यसको सुन्दरता अलौकिक बन्दछ ।
[facebook]

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.