आज काग तिहार , यम पाँचक सुरु

कार्तिक २३ । आजबाट यमपञ्चक शुरु भएको छ । यमपञ्चकको पहिलो दिन आज कागलाई बिभिन्न परिकार खान दिएर कागतिहार मनाईंदै छ ।
शुभ र अशुभ दुबै प्रकारको सन्देश दिने कागका लागि कार्तिक कृष्ण त्रयोदशीका दिन पूजा गर्ने परम्परा रहेको छ ।

यसैदिन भैषशास्त्रका धन्वन्तरीले अवतार लिएको कथनअनुसार धन त्रयोदशी भन्दै वैधराजहरुलेधन्वन्तरीको पूजा आराधना गर्ने परम्परा छ ।

यमपञ्चकको दोस्रो दिन भैरवको वाहनका रुपमा रहेको कुकुरको पूजा गरिन्छ । त्यस्तै औंशीका दिन बिहान गाईको पूजा गरेर साँझ दीपावलीका साथ लक्ष्मीको पूजा गरिन्छ । तिहारको चौथो दिन कार्तिक शुक्ल प्रतिपदामा गोवर्धन पूजा गरिन्छ । जसमा गोवर्धन, बहर र दैत्यराज बलीको पूजा गरिन्छ ।

नेवार समुदायमा यस दिन म्हः पूजा भनि सगुन लिई आफ्नै शरीरको पूजा गर्ने चलन छ । पाँचौ दिन दिदीबहिनीले आफ्ना दाजुभाईलाई पूजा गरी भाइटीका मनाउँछन् ।

नेपाल पञ्चाङग निर्णायक समितिका अनुसार यसपटकको भाईटीकाको साइत २७ गते शुक्रवार बिहान ११ बजेर ५५ मिनेटमा उत्तम रहेको छ ।