जेठ ६। प्रथम दोहा अन्तर्राष्ट्रिय बक्सिङ च्याम्पियनसिपमा सहभागी हुन नेपाली खेलाडीहरु त्यसतर्फ प्रस्थान गरेका छन् । दुई पुरुष खेलाडीसहित चार सदस्यीय टोली मंगलबार कतारको दोहातर्फ त्यसतर्फ लागेका हुन् । मे २० देखि २४ तारिखसम्म चल्ने च्याम्पियनसिपमा दिनेश श्रेष्ठले ५६ केजी तथा विकास लामाले ६९ केजी तौल समूहमा नेपाली टोलीको प्रतिनिधित्व गर्नेछन् । बक्सिङमा ओम मास्केले प्रमुख प्रशिकको भूमिका निर्वाह गर्नेछन् भने व्यवस्थापनको जिम्मा नेपाल बक्सिङ संघका सदस्य प्रनिर अधिकारीले गर्नेछन् ।
टोलीलाई राष्ट्रिय खेलकुद परिषद्का सदस्य–सचिब युवराज लामाले सोमावार बिदाई गरे ।
