बागलुङको बाटाकाचौर गाविसमा गोठमा भएको आगलागीमा परी एक जनाको ज्यान गएको छ ।
बाटाकाचौर गाविस-३ स्थित प्रेमबहादुर खत्रीको गोठमा आगलागी हुँदा सोही गाविसकी पुनम बोहोराको मृत्यु भएको हो । मृतक बोहोराको मानसिक सन्तुलन ठीक नभएको मृतकका श्रीमान् प्रेमबहादुर बोहोरालाई उद्धृत गर्दै प्रहरीले जनाएको छ ।
मानसिक सन्तुलन ठीक नभएकी बोहोराले गोठमा बसेर चुरोट सल्काउन सलाई कोर्दा आगलागी भएको हुनसक्ने स्थानीय जनताले बताएका छन ।