करिब पाँच महिना अगाडी गायक खेमराज गुरुङ उपचारका लागि ओम अस्पताल पुगेका थिए । कलेजको समस्याका कारण बिरामी परेका उनलाई चिकित्सकले आगमी दिनमा भुलेर पनि मदिरा सेवन नगर्न सुझाएका थिए । केही दिनको उपचारपछि अस्पतालबाट डिस्चार्ज भएका गायक गुरुङले डाक्टरको सुझाब अनुसार मदिरा पिएनन् । नियमित औषधि पनि सेवन गरे ।
तर, ११ दिन अगाडी उनी गम्भिर समस्याका कारण थला परे । सुरुमा जन्डिसको लक्षण देखिएका गुरुङले त्यती वास्ता गरेनन् । तर, जब जन्डिस बिग्रियो उनी उपचारका लागि चाबहिलस्थित मेडिकेयर अस्पतालमा पुगे । चिकित्सकले परीक्षणका क्रममा थाहा पाए कलेजोमा गम्भिर समस्या देखिसकेको रहेछ । जन्डिस कलेजोको समस्यामध्येकै एक लक्षण थियो । अस्पतालका अनुसार विगतमा नै कलेजोमा समस्या देखिएकाले मदिरा सेवन नगर्न भने पनि मदिरा सेवन गरेका कारण कलेजो बिग्रिएको थियो । अस्पताल स्रोतका अनुसारको उनको कलेजो फेल भैसकेको थियो । कलेजोसँगै मिर्लौलामा पनि समस्या देखिएको थियो ।
उनी बिहीबार बिहानदेखि भेन्टिलेटरमा थिए। परिवारले बिहीबार दिउँसो दिल्लीस्थित मेदान्त अस्पताल लैजाने तयारी गरेको थियो । चिकित्सकले स्वास्थ्यमा केही सुधार आएमा मात्र दिल्ली लैजान मिल्ने बताएपछि तत्कालका लागि योजना रोकिएको थियो । तर, त्यही साँझ उनको मृत्यु भयो ।
गायक गुरुङलाई अस्पतालले बिहिबार साँझ ५ः५० बजे मृत भोषणा गर्यो । गायक गुरुङ ४२ वर्षका थिए । गुरुङ अस्पताल भर्ना भएको भोलिपल्ट उनकी पत्नी हङकङबाट काठमाडौं आएकी थिइन्। उनको शव अहिले त्रिवि शिक्षण अस्पतालमा राखिएको छ । उनका दुई छोरा छन् । खेमराजका आमा र दिदी बेलायतबाट आएपछि मात्र अन्तिम संस्कार गरिने परिवारले जनाएको छ । गायक गुरुङको ‘वारि जमुना पारि जमुना’ बोलको गित निकै लोकप्रिय छ ।
स्वास्थ्य खबरपत्रिकाबाट
हेर्नुस भिडीयो :
via IFTTT
Post a Comment
Thanks.