आश्विन ६। एएफसी यू-१६ च्याम्पियनसिप फुटबलका लागि छनोट भएको नेपाली टोली मंगलबार स्वदेश फर्किएको छ ।
किशोर फुटबल टोलीलाई स्वागत गर्न राष्ट्रिय खेलकुद परिषद्का सदस्य सचिव केशव विष्ट र एन्फा अध्यक्ष गणेश थापा विमास्थल पुगेका थिए ।
कीर्गिस्तानमा भएको छनोट फुटबलमा नेपाल अन्तिम खेलमा ओमानसँग पराजित हुँदै समूह उपविजेता बनेको थियो । तर, उकृष्ट चार उपविजेतामा पर्दै अर्को वर्ष भारतमा हुने एएफसी यू-१६ च्याम्पियनसिपमा छनोट भएको छ ।
आयोजक भारतबाहेक दक्षिण एसियाबाट च्याम्पियनसिपमा छनोट हुने नेपाल एक्लो टीम हो ।