चैत्र १४,(सुवास संकल्प), इटहरी,
नेपालि सिने जगतमा सन् २००२ मा सार्वजनिक भएको र झरना थापालाई फिल्मलाईनमा चिनाएको फिल्म हो 'ए मेरो हजुर' l यहि फिल्ममा झरना संगै अभिनय गर्ने नायक हुन् सबैको प्रिय बनेका र देश र दर्शकलाई रुवाउदै धर्ति छोडेका स्व नायक श्री कृष्ण श्रेष्ठ l हाल यहि फिल्म मार्फत रजतपटमा उदाएकी र सदाबहार नायिकाको उपाधि पाएकी झरनाले आफुलाई रजतपटमा डेब्यु निर्देशकको भूमिका खेल्दै "ए मेरो हजुर-२" दर्शक माझ ल्याउदै छिन l
केहि दिन अगाडि मात्रै "ए मेरो हजुर-२" को एक झलक सार्बजनिक भएको थियो भने अहिले फिल्मको टाईटल गीत "कशम हो" सार्बजनिक गरिएको छ भने युटुबमा आएको एक दिनमै अर्थात यो समाचार तयार पार्दा सम्म गीतलाई ४ लाख ४४ हजार भन्दा बढि पटक हेरिएको छ l आइतबार साँझ युट्युबमार्फत सार्वजनिक गरिएको यो गीत युटुब ट्रेन्डिङको ३ नम्बरमा रहेको छ । यो फिल्मको निर्देशक रहेकी नायिका झरना थापाको जन्मदिनको उपलक्ष्यमा सार्बजनिक उक्त गीतको सुरुमै झारनाले "ए मेरो हजुर" का नायक स्व श्रीकृष्ण श्रेष्ठ र निर्देशक शिव रेग्मीलाई सम्झनाका सब्दहरुले श्रद्दाञ्जली दिएकी छिन् ।
रेनेशा राईले निर्देशन गरेको गीतको भिडियोमा कृष्णहरी बरालको शब्द रहेको छ भने गायक सुगम पोखरेलले स्वर दिएका छन् । गीतमा कल्याण सिंहको संगीत रहेको छ । अब फिल्म "ए मेरो हजुर-२" को यो टाइटल गीतले पनि फिल्मलाई राम्रो प्रोमोशन गरेको र दर्शकले रुचाउने संकेत बुझ्न सकिन्छ । सुहाना इन्टरटेन्मेण्टको ब्यानरमा सुनिल कुमार थापाले निर्माण गरेको यो फिल्म 'ए मेरो हजुर' को सिक्व्येल नभएपनि नाम भने पुरानै फिल्मबाट सापटी लिइएको हो । सस्पेन्स लभ स्टोरी ड्रामामा साम्राज्ञी राज्यलक्ष्मी र सालिनमान बानियाँको मुख्य अभिनय रहेको छ । त्यस्तै सलोन बस्नेत, अनुभव रेग्मी, बुद्दी तामाङ, विलशन बिक्रम राई, सुमन पौडेल आदीको पनि अभिनय रहेको छ।
हेर्नुस "ए मेरो हजुर-२" को टाईटल गीत :
via IFTTT
Post a Comment
Thanks.