फागुन १५ । विश्व फुटबल महासंघ फिफाको नयाँ नेतृत्वमा जियानी ईन्फान्टिनो निर्वाचित भएका छन् ।
युएफाका महासचिव रहेका स्वीट्जरल्याण्डका ईन्फान्टिनो अरु तीन प्रतिष्पर्धीलाई पछि पार्दै फिफाको अध्यक्ष बन्न सफल भएका हुन् ।
दोस्रो चरणको मतदानमा उनले ११५ मत पाए भने उनका निकटतमप्रतिष्पर्धी एसियाली फुटबल महासंघ एएफसीका अध्यक्ष शेख सलमान बिन ईब्राहिम अल खालीफा उनीभन्दा २७ भोटले पछि परे ।
स्विट्जरल्याण्डको ज्युरिचमा शुक्रबार भएको निर्वाचनमा अध्यक्षको प्रत्याशीमा जोर्डनका राजकुमार अली बिन अल हुसेन, फ्रान्सका जेरोमी स्याम्पेन र दक्षिण अफ्रिकाका टोक्यो सेक्सवेल थिए ।
गत वर्ष पाँचौ कार्यकालको लागि निर्वाचित भएको केही हप्तापछि सेप ब्लाटरले फिफा अध्यक्षको पदत्याग गर्ने घोषणा गरेपछि निर्वाचन गरिएको हो ।
Post a Comment
Thanks.