बैसाख २०। आइतबार राजधानीमा एक समारोहबीच चलचित्र ‘द विनर’को आयौ तिमी मेरो जीवनमा...गीतको भिडियो र ट्रेलर (फस्ट लुक) सार्वजनिक गरिएको छ ।
हिक्मत विष्ट निर्देशित यस चलचित्र आगामी १७ भदौबाट देशव्यापी प्रदर्शनीमा आउने यसको निर्माण पक्षले सो कार्यक्रममा जानकारी गरायो । नेपाल, दुबई र अष्ट्रेलियामा छायांकन गरिएको यो चलचित्र मोटरसाईकल दौड प्रतियोगितामा केन्द्रित रहेको सोकार्यक्रममा निर्देशक विष्टले जानकारी गराए ।
ट्रेलरमा राम्रो देखिएको भन्दै चलचित्र विकास बोर्डका अध्यक्ष राजकुमार राई, चलचित्र पत्रकार संघका अध्यक्ष शान्तिप्रियलगायतले ‘द विनर’ सफल हुने विश्वास व्यक्त गरे ।
यस चलचित्रमा पूर्वमिस नेपाल मलिना जोशी, महेशमान श्रेष्ठ, मन्चिन शाक्य, राजकुमार पन्त, रेशु तामाङ, अमित गिरीलगायतको अभिनय छ ।
यस चलचित्रमा सुबोध ठकुरी, सुशील पन्त, विकास खरेल, रितेश राणा, सृजना शाह, अमित गिरी, राजेशप्रसाद जोशी र निरज श्रेष्ठको लगानी रहेको कार्यक्रममा जानकारी गराइयो ।
Post a Comment
Thanks.